Aishwarya Lekshmi's 'Hello Mummy' set for November 21 release

ഐശ്വര്യ ലക്ഷ്മി മലയാളത്തിലും തെന്നിന്ത്യയിലും തിരക്കേറിയ താരമായി മാറിയിരിക്കുകയാണ്. വേറിട്ട കഥാപാത്രങ്ങളിലൂടെ ശ്രദ്ധ നേടിയ താരത്തിന്റെ ഏറ്റവും പുതിയ സിനിമയാണ് ‘ഹലോ മമ്മി’. വൈശാഖ് എലന്സ് സംവിധാനം ചെയ്യുന്ന ഈ ചിത്രം നവംബര് 21ന് തിയറ്ററുകളിലെത്തും. ഫാന്റസി ഹൊറര് കോമഡി എന്റര്ടെയ്നര് പശ്ചാത്തലത്തില് ഒരുങ്ങുന്ന ചിത്രത്തില് ഷറഫുദ്ദീനാണ് നായകന്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘ഞണ്ടുകളുടെ നാട്ടില് ഒരിടവേള’ എന്ന ചിത്രത്തിലൂടെ അഭിനയ രംഗത്തേക്ക് കടന്നുവന്ന ഐശ്വര്യ, ‘മായാനദി’, ‘വരത്തന്’, ‘വിജയ് സൂപ്പറും പൗര്ണമിയും’ തുടങ്ങിയ ചിത്രങ്ങളിലൂടെ ശ്രദ്ധേയയായി. തമിഴിലും തെലുങ്കിലും സുപ്രധാന വേഷങ്ങള് ചെയ്ത താരം, മണിരത്നം ഉള്പ്പെടെയുള്ള പ്രമുഖ സംവിധായകര്ക്കൊപ്പം പ്രവര്ത്തിച്ചു. ഒടുവില് പുറത്തിറങ്ങിയ മലയാള ചിത്രം ‘കിംഗ് ഓഫ് കൊത്ത’യാണ്.

‘ഹലോ മമ്മി’യില് ഐശ്വര്യ ലക്ഷ്മി സ്റ്റെഫി എന്ന കഥാപാത്രമായി എത്തുമ്പോള് ഷറഫുദ്ദീന് ബോണിയായും വേഷമിടുന്നു. സണ്ണി ഹിന്ദുജ, അജു വര്ഗീസ്, ജഗദീഷ്, ജോണി ആന്റണി തുടങ്ങിയവരും ചിത്രത്തിലുണ്ട്. ഡ്രീം ബിഗ് പിക്ച്ചേഴ്സാണ് കേരളാ വിതരണം നിര്വഹിക്കുന്നത്. ചിത്രത്തിലെ ആദ്യഗാനമായ ‘റെഡിയാ മാരന്’ ഏറെ ശ്രദ്ധ നേടിയിരുന്നു. ഹാങ്ങ് ഓവര് ഫിലിംസും എ ആന്ഡ് എച്ച് എസ് പ്രൊഡക്ഷനും ചേര്ന്നാണ് ചിത്രം നിര്മ്മിക്കുന്നത്.

യക്ഷിക്കഥകളുടെ പുനർവായനയുമായി 'ലോക ചാപ്റ്റർ വൺ; ചന്ദ്ര'

Story Highlights: Aishwarya Lekshmi stars in new fantasy horror comedy ‘Hello Mummy’ directed by Vaishakh Elans, releasing November 21

ഇച്ചാക്കയ്ക്ക് ജന്മദിനാശംസകളുമായി മോഹൻലാൽ; ചിത്രം വൈറൽ