തിരുവനന്തപുരം ഗവ.മെഡിക്കല്‍ കോളേജില്‍ ആരോഗ്യമന്ത്രി വീണ ജോര്‍ജ് മിന്നല്‍ പരിശോധന നടത്തി.
വ്യാഴാഴ്ച രാത്രി 10.30 മണിയോടെയാണ് ആരോഗ്യ മന്ത്രി ആശുപത്രിയിലെത്തിയത്.
തുടർന്ന് മൂന്ന് മണിക്കൂറോളം ആശുപത്രിയിലെ വിവിധ മേഖലകളില്‍ നേരിട്ടെത്തി സാഹചര്യങ്ങള്‍ വിലയിരുത്തുകയായിരുന്നു.
ആദ്യം കാഷ്വാലിറ്റിയിലേക്കെത്തിയ മന്ത്രി തുടർന്ന് ഒബ്‌സര്‍വേഷന്‍ റൂമുകളും വാര്‍ഡുകളും സന്ദര്‍ശിച്ചു.
ഈ സമയം ആശുപത്രിയില്‍ ഉണ്ടായിരുന്ന ജനങ്ങളുമായും മന്ത്രി സംസാരിച്ചിരുന്നു.
മന്ത്രി എത്തിയ സമയം ഡ്യൂട്ടിയിലുണ്ടായിരുന്ന ആരോഗ്യ പ്രവര്‍ത്തകരുമായും ആശയ വിനിമയം നടത്തി.
മന്ത്രി തന്നെയാണ് ഈ സന്ദര്‍ശന വിവരം ഫേസ്ബുക്ക് പോസ്റ്റിലൂടെ പങ്കുവച്ചത്. മെഡിക്കല്‍ കോളജ് ആശുപത്രിയുടെ പ്രവര്‍ത്തനങ്ങള്‍ നേരിട്ട് കണ്ട് വിലയിരുത്തുക എന്നതായിരുന്നു മന്ത്രിയുടെ പ്രധാന സന്ദര്‍ശന ലക്ഷ്യം.
Story highlight : Health Minister Veena George visits Thiruvananthapuram Medical College.
