Haryana student shot dead by cow vigilantes in mistaken identity

ഹരിയാനയിലെ ഗദ്പുരി ഗ്രാമത്തില് പശുക്കടത്ത് ആരോപിച്ച് 12-ാം ക്ലാസ് വിദ്യാര്ത്ഥിയായ ആര്യന് മിശ്രയെ വെടിവച്ചുകൊന്നു. ഡല്ഹി-ആഗ്ര ദേശീയ പാതയിലൂടെ കാറില് സഞ്ചരിക്കുകയായിരുന്ന ആര്യനെയും സുഹൃത്തുക്കളെയും ഗോരക്ഷാ സംഘം 30 കിലോമീറ്ററോളം പിന്തുടര്ന്നാണ് വെടിയുതിര്ത്തത്. കാര് നിര്ത്താനാവശ്യപ്പെട്ടെങ്കിലും നിര്ത്തിയില്ലെന്ന് കണ്ടപ്പോഴാണ് അക്രമികള് വെടിവെച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആര്യന്റെ കഴുത്തിനാണ് വെടിയേറ്റത്. സംഭവവുമായി ബന്ധപ്പെട്ട് അനില് കൗശിക്, വരുണ്, കൃഷ്ണ, ആദേഷ്, സൗരഭ് എന്നിവര് അറസ്റ്റിലായിട്ടുണ്ട്. അക്രമികള് ലൈസന്സ് ഇല്ലാത്ത തോക്കാണ് ഉപയോഗിച്ചിരുന്നത്.

പശുക്കടത്തുകാര് ഡസ്റ്റര് കാറില് സിറ്റി വിടുന്നുവെന്ന് ആരോ പറഞ്ഞ വിവരത്തിന്റെ അടിസ്ഥാനത്തിലാണ് ഗോരക്ഷാ സംഘം കാര് പിന്തുടര്ന്നത്. ആര്യനെ ഉടന് ആശുപത്രിയില് എത്തിച്ചെങ്കിലും ജീവന് രക്ഷിക്കാന് സാധിച്ചില്ല. ഇതേ ആഴ്ച തന്നെ ഹരിയാനയിലെ ചര്ഖി ദാദ്രിയില് ഗോമാംസം കഴിച്ചെന്ന് ആരോപിച്ച് ഗോരക്ഷക സംഘം യുവാവിനെ മര്ദിച്ച് കൊലപ്പെടുത്തിയിരുന്നു.

ഗ്രാമീണര്ക്ക് പശുക്കളോട് വല്ലാത്ത ആരാധനയാണെന്നും അവരെ ആര്ക്ക് തടയാനാകുമെന്നും ഹരിയാന മുഖ്യമന്ത്രി നയാബ് സിങ് സൈനി പറഞ്ഞത് ഏറെ വിവാദമായിരുന്നു. ഈ സംഭവങ്ങള് ഹരിയാനയിലെ ഗോരക്ഷാ സംഘങ്ങളുടെ അതിക്രമങ്ങള്ക്ക് ഉദാഹരണമാണ്.

ഭാര്യ ഭർത്താവിനെ തിളച്ച വെള്ളമൊഴിച്ച് പൊള്ളിച്ചു; കാരണം പെൺസുഹൃത്തിന്റെ ഫോട്ടോ

Story Highlights: Haryana Class 12 student mistaken for cow smuggler, chased and shot dead by vigilantes

മയക്കുമരുന്ന് കാരിയറാകാൻ നിർബന്ധിച്ചു; യുവതിയുടെ പരാതിയിൽ കേസ്