നവാസ് നടത്തിയത് ലൈംഗിക അധിക്ഷേപം തന്നെയാണെന്ന് ചൂണ്ടിക്കാട്ടി കൂടുതല്‍ വെളിപ്പെടുത്തലുകളുമായി ഹരിത മുന്‍ ഭാരവാഹികള്‍. മാധ്യമങ്ങള്‍ക്ക് മുന്‍പാകെ പി.കെ നവാസിന്റെ വിവാദ പരാമര്‍ശം അവർ തുറന്നടിച്ചു.
വേശ്യയ്ക്കും ന്യായീകരണമുണ്ടാകുമെന്ന പി. കെ നവാസിന്റെ പ്രസ്താവനയെ തുടർന്ന് അഞ്ച് പേജുള്ള പരാതിയാണ് പാര്‍ട്ടിക്ക് നൽകിയത്. നേതൃത്വത്തിന്റെ തീരുമാനത്തിനായി 50 ദിവസം കാത്തിരുന്നിട്ടും നടപടിയുണ്ടായില്ല.
ഇതിനു പിന്നാലെയാണ് വനിതാ കമ്മിഷനുമായി ബന്ധപ്പെട്ടതെന്ന് മുഫീദ് തസ്‌നി ഉൾപ്പെടെയുള്ള നേതാക്കള്‍ വിശദമാക്കി.
പരാതി നൽകിയതിനെ തുടർന്ന് നിരന്തരമായ സൈബര്‍ ആക്രമണങ്ങൾ ഇപ്പോഴും നേരിട്ടുകൊണ്ടിരിക്കുകയാണ്. ഹരിതയ്‌ക്കെതിരായി സംഘടിത വിദ്വേഷ പ്രചാരണം നടത്തിയിരുന്നു.
പരാതി നല്‍കാന്‍ വൈകിയെന്ന് പറയുന്നതിൽ അർഥമില്ല. തെറ്റിദ്ധാരണ പ്രചരിപ്പിക്കുന്നത് നേതാക്കള്‍ അവസാനിപ്പിക്കണമെന്നും ഹരിത മുന്‍ ഭാരവാഹികള്‍ പറഞ്ഞു.
Story highlight: Haritha Former officials against MSF Nawaz’s harassment
