ഉത്തർപ്രദേശിലെ ബുലന്ദ്ഷഹർ ജില്ലയിൽ ഒരു ഞെട്ടിക്കുന്ന സംഭവം റിപ്പോർട്ട് ചെയ്തിരിക്കുന്നു. സംസ്ഥാന സർക്കാർ ജീവനക്കാരനായ ഗജേന്ദ്ര സിംഗ് എന്നയാൾ ആറു വയസ്സുകാരിയെയും ഒരു ആടിനെയും ബലാത്സംഗം ചെയ്തതിന് അറസ്റ്റിലായി. കൃഷി വകുപ്പിലെ അഗ്രിക്കൾച്ചറൽ ഡെവലപ്പ്മെന്റ് ഉദ്യോഗസ്ഥനായ പ്രതി, പെൺകുട്ടി വീട്ടിൽ തനിച്ചാണെന്ന് മനസ്സിലാക്കി അധിക്രമിച്ച് കയറുകയായിരുന്നു.
പ്രായപൂർത്തിയാകാത്ത പെൺകുട്ടിയുടെ പിതാവ് നൽകിയ പരാതിയുടെ അടിസ്ഥാനത്തിലാണ് ബുലന്ദ്ഷഹർ പൊലീസ് കേസെടുത്തത്. സംഭവത്തിന്റെ വീഡിയോ ഒരു ഗ്രാമീണൻ പകർത്തിയതോടെ സമൂഹമാധ്യമങ്ങളിൽ വ്യാപകമായി പ്രചരിച്ചു. തുടർന്ന് പ്രതിയെ അറസ്റ്റ് ചെയ്യുകയായിരുന്നു. പെൺകുട്ടിയെ ബലാത്സംഗം ചെയ്തശേഷം അവിടെയുണ്ടായിരുന്ന ആടിനെയും ഇയാൾ ലൈംഗികമായി പീഡിപ്പിച്ചതായി പൊലീസ് പറയുന്നു.
ഭാരതീയ ന്യായ സൻഹിതയിലെ സെക്ഷൻ 65(2) പ്രകാരമാണ് സിംഗിനെതിരെ കേസെടുത്തിരിക്കുന്നത്. 12 വയസ്സിൽ താഴെയുള്ള പെൺകുട്ടികളെ ബലാത്സംഗം ചെയ്യുന്നവർക്ക് 20 വർഷത്തിൽ കുറയാത്ത കഠിന തടവാണ് ശിക്ഷ. ഇത് ജീവപര്യന്തം വരെ നീണ്ടേക്കാം. അല്ലെങ്കിൽ വ്യക്തിയുടെ സ്വാഭാവിക ജീവിതത്തിന്റെ ശേഷിക്കുന്ന കാലം തടവോ, വധശിക്ഷയോ വിധിക്കാം.
Story Highlights: Government employee arrested for molesting 6-year-old girl and raping goat in Uttar Pradesh
