കഴിഞ്ഞദിവസം അന്തരിച്ച മുൻ ഇന്ത്യൻ ഫുട്ബോൾ ക്യാപ്റ്റനും ഒളിമ്പ്യനുമായ ഒ.ചന്ദ്രശേഖരന് സർക്കാർ അർഹിക്കുന്ന പരിഗണന നൽകിയില്ലെന്ന് ആരോപണം. കോൺഗ്രസ് പാർട്ടിയും സർക്കാരിനെതിരെ ആരോപണം ഉന്നയിച്ച് രംഗത്തെത്തി.
ഫുട്ബോൾ രംഗത്ത് ഒട്ടേറെ സംഭാവനകൾ ഇന്ത്യക്കായി നല്കിയ വ്യക്തിയാണ് ഒ.ചന്ദ്രശേഖരൻ എന്ന് ഫുട്ബോൾ രംഗത്തെ പ്രമുഖർ പറഞ്ഞു. ഇദ്ദേഹത്തെ അവഗണിച്ചെന്ന് ഇന്ത്യൻ ഫുട്ബോൾ താരങ്ങളും ഫുട്ബോൾ അസോസിയേഷനും ആരോപിച്ചു.
സംസ്കാര ചടങ്ങുകളിൽ പങ്കെടുക്കാൻ കലക്ടറും ജനപ്രതിനിധികളും എത്തിയില്ലെന്ന് ആക്ഷേപമുയർന്നു. ബിജെപി നേതാവ് എ.എൻ രാധാകൃഷ്ണൻ അന്തരിച്ച ഒളിമ്പ്യൻ ഒ.ചന്ദ്രശേഖരന് അർഹിക്കുന്ന പരിഗണന നൽകിയില്ലെന്ന് കുറ്റപ്പെടുത്തി.
റോം ഒളിമ്പിക്സിൽ പങ്കെടുത്ത ഇന്ത്യൻ സംഘത്തിൽ ജീവിച്ചിരിന്ന അവസാനത്തെയാളായിരുന്നു ഒ.ചന്ദ്രശേഖരൻ.
Story Highlights: Government Disrespected Olympian O Chandrasekharan says opposition
