കൊച്ചി :ഈ വർഷത്തെ മിസ് കേരള സൗന്ദര്യറാണി പട്ടത്തിനു അർഹയായി കണ്ണൂർ സ്വദേശിനിയായ ഗോപിക സുരേഷ്.ബംഗുളൂരുവിൽ ക്ലിനിക്കൽ സൈക്കോളജി വിദ്യാർത്ഥിനിയാണ് 23 കാരിയായ ഗോപിക സുരേഷ്.
ഇംപ്രസാരിയോ മിസ് കേരള മത്സരത്തിന്റെ 22 ആം എഡിഷനാണ് ഇപ്പോൾ നടന്നത്.ലെമറിഡിയൻ കൺവെൻഷൻ സെന്ററിൽ വച്ചായിരുന്നു ചടങ്ങ്.ഫൈനൽ റൗണ്ടിലേക്ക് ദുർഗ നടരാജ് ,ഗഗന ഗോപാൽ ,ലിവ്യ ലിഫി, അഭിരാമി നായർ തുടങ്ങിയ അഞ്ച് പേരായിരുന്നു തെരഞ്ഞെടുക്കപ്പെട്ടത്.
എറണാകുളം സ്വദേശി ലിവ്യ ലിഫി ഫസ്റ്റ് റണ്ണറപ്പായും തൃശൂർ സ്വദേശിയും ഓസ്‌ട്രേലിയയിൽ വിദ്യാർത്ഥിയുമായ ഗഗന ഗോപാൽ സെക്കന്റ് റണ്ണറപ്പായും പ്രഖ്യാപിക്കപ്പെട്ടു.സംവിധായകൻ ജീത്തു ജോസഫ്, സംഗീത സംവിധായകൻ ദീപക് ദേവ് എന്നിവരായിരുന്നു വിധികർത്താക്കൾ.
നാനൂറിലേറ അപേക്ഷകരിൽ നിന്നും അവസാന ലിസ്റ്റിലെത്തിയ 25 മത്സരാർത്ഥികളാണ് ഫൈനലിൽ അരങ്ങേറിയത് .ആശയവിനിമയം, പൊതുപ്രഭാഷണം, ആരോഗ്യം, ഫിറ്റ്‌നസ്, യോഗ, മെഡിറ്റേഷൻ എന്നിങ്ങനെ വിവിധ വിഭാഗങ്ങളിൽ മത്സരാർഥികളെ പരിശീലിപ്പിച്ചിരുന്നു.
Story highlight : Gopika Suresh from Kannur is Miss Kerala.
