Global wildlife populations decline 73% in 50 years: WWF report

കഴിഞ്ഞ 50 വർഷത്തിനിടയിൽ ലോകത്തെ വന്യജീവിസമ്പത്ത് 73 ശതമാനത്തിലേക്ക് ചുരുങ്ങിയതായി വേൾഡ് വൈഡ് ഫണ്ട് ഫോർ നേച്ചർ (WWF) പുറത്തുവിട്ട പുതിയ റിപ്പോർട്ട് വെളിപ്പെടുത്തുന്നു. രണ്ട് വർഷം മുമ്പ് ഇത് 69 ശതമാനമായിരുന്നെങ്കിലും ഇപ്പോൾ ഗണ്യമായ മാറ്റമാണ് രേഖപ്പെടുത്തിയിരിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഉഷ്ണമേഖലാ വനങ്ങളിലെ ആനകൾ മുതൽ ഗ്രേറ്റ് ബാരിയർ റീഫിലെ പരുന്ത്, ആമ തുടങ്ങിയവയുടെ എണ്ണം കുറയുന്നതായും, ആമസോണിലെ പിങ്ക് ഡോൾഫിനുകൾ മലിനീകരണവും ഖനനവും മൂലം വംശനാശ ഭീഷണി നേരിടുന്നതായും റിപ്പോർട്ട് ചൂണ്ടിക്കാട്ടുന്നു. ജീവജാലങ്ങളുടെ എണ്ണത്തിൽ ഏറ്റവും കൂടുതൽ കുറവ് ലാറ്റിൻ അമേരിക്കയിലും കരീബിയനിലുമാണ്, 95 ശതമാനം കുറവ് രേഖപ്പെടുത്തിയിരിക്കുന്നു.

ആഫ്രിക്കയിൽ 76 ശതമാനവും ഏഷ്യ-പസഫിക് മേഖലയിൽ 60 ശതമാനവുമാണ് കുറവ്. യൂറോപ്യൻ രാജ്യങ്ങളിൽ ഭേദപ്പെട്ട കണക്കുകളാണെന്നും റിപ്പോർട്ടിൽ പറയുന്നു.

മനുഷ്യ ഇടപെടൽ വന്യജീവി ആവാസവ്യവസ്ഥകളിൽ അടിയന്തരമായി കുറയ്ക്കണമെന്നും ജൈവവൈവിധ്യം സംരക്ഷിക്കാൻ അടിയന്തര നടപടി വേണമെന്നും റിപ്പോർട്ട് ആവശ്യപ്പെടുന്നു. ആവാസവ്യവസ്ഥയിലുണ്ടായ മാറ്റം, അമിതമായ ചൂഷണം, അധിനിവേശ ജീവിവർഗ്ഗങ്ങൾ, കാലാവസ്ഥാ വ്യതിയാനം, മലിനീകരണം തുടങ്ങിയവ വന്യജീവികൾക്ക് ഭീഷണിയായി മാറുന്നുവെന്ന് റിപ്പോർട്ട് വ്യക്തമാക്കുന്നു.

മൈക്രോപ്ലാസ്റ്റിക് മലിനീകരണം: ആരോഗ്യ ഭീഷണി ഗുരുതരം

ആമസോൺ മഴക്കാടുകളുടെ തകർച്ചയും ഏഷ്യ-പസഫിക് മേഖലയിലെ മലിനീകരണവും ജൈവവൈവിധ്യത്തിന് വലിയ ഭീഷണിയാകുന്നതായി കണക്കുകൾ കാണിക്കുന്നു. ഈ പുതിയ റിപ്പോർട്ടുകൾ മനുഷ്യരാശിക്കും ഭാവി തലമുറയ്ക്കും തന്നെ ഭീഷണിയാണെന്നും, എത്രയും വേഗം ഇതിന് പരിഹാരം കാണേണ്ടതുണ്ടെന്നും സുവോളജിക്കൽ സൊസൈറ്റി ഓഫ് ലണ്ടനിലെ ഗവേഷകൻ വാലന്റീന മാർക്കോണി അഭിപ്രായപ്പെട്ടു.

Story Highlights: WWF report reveals 73% decline in global wildlife populations over 50 years, urgent action needed

കേരള ബജറ്റ്: വനം-വന്യജീവി സംരക്ഷണത്തിന് 305.61 കോടി