നെടുമങ്ങാട് ഗുണ്ടകളുടെ പിറന്നാളാഘോഷം; പൊലീസ് സംഘത്തിന് നേരെ അക്രമം

തിരുവനന്തപുരം ജില്ലയിലെ നെടുമങ്ങാട് പൊലീസ് വിലക്ക് മറികടന്ന് ഗുണ്ടകളുടെ പിറന്നാളാഘോഷം നടന്നു. സ്റ്റംബർ അനീഷ് എന്ന കുപ്രസിദ്ധ ഗുണ്ടയുടെ നേതൃത്വത്തിലുള്ള സംഘമാണ് ആഘോഷം തടയാനെത്തിയ പൊലീസ് സംഘത്തിന് നേരെ അക്രമം അഴിച്ചുവിട്ടത്.

ആക്രമണത്തിൽ രണ്ട് എസ്ഐ മാർക്കും ഒരു സിവിൽ പൊലീസ് ഓഫീസർക്കും പരിക്കേറ്റു. പരിക്കേറ്റവരെ ആശുപത്രിയിൽ പ്രവേശിപ്പിച്ചിട്ടുണ്ട്. സംഭവത്തിൽ എട്ട് പേരുടെ അറസ്റ്റ് പൊലീസ് രേഖപ്പെടുത്തിയിട്ടുണ്ട്.

പിടിയിലായ ഗുണ്ടാ നേതാവ് സ്റ്റംബർ അനീഷ് കാപ്പാ കേസിലെ പ്രതിയാണ്. ഗുണ്ടാസംഘത്തിന്റെ ആക്രമണത്തിൽ പൊലീസുകാർക്ക് പരിക്കേറ്റതും അറസ്റ്റ് നടന്നതും സംബന്ധിച്ച് കൂടുതൽ വിവരങ്ങൾ പുറത്തുവന്നിട്ടില്ല.

Story Highlights: Police officers attacked by gang during birthday celebration in Nedumangad, Thiruvananthapuram