മയക്കുമരുന്നുമായി ഒമാനിലേക്ക് അനധികൃതമായി പ്രവേശിക്കാൻ ശ്രമിച്ച നാല് വിദേശ പൗരന്മാരെ ഒമാന്‍ പൊലീസ് അറസ്റ്റ് ചെയ്തു.
ഇവരിൽ നിന്നും 59 കിലോഗ്രാമിലധികം ക്രിസ്റ്റല്‍ മയക്കുമരുന്നും, 11 കിലോഗ്രാം ഹാഷിഷും 39,600 സൈക്കോട്രോപിക് ഗുളികകളും പോലീസ് പിടിച്ചെടുത്തു.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
മയക്കുമരുന്ന്, സൈക്കോട്രോപിക് ലഹരിവസ്തുക്കള്‍ തുടങ്ങിയവയെ പ്രതിരോധിക്കുന്ന ഡയറക്ടറേറ്റ് ജനറല്‍, പ്രത്യേക ടാസ്‌ക് ഫോഴ്സിന്റെ സഹകരണത്തോടെ, കടൽ മാർഗം വൻ തോതിൽ മയക്കുമരുന്നുമായി അനധികൃതമായി രാജ്യത്തേക്ക് കടക്കാൻ ശ്രമിച്ച രണ്ട് നുഴഞ്ഞുകയറ്റക്കാരടക്കം ഏഷ്യന്‍ പൗരത്വമുള്ള നാല് വിദേശികളാണ് പിടിക്കപ്പെട്ടതെന്ന് ഒമാന്‍ പൊലീസ് പുറത്തിറക്കിയ പ്രസ്താവനയില്‍ വ്യക്തമാണ്.
പ്രതികള്‍ക്കെതിരെ നിയമനടപടികള്‍ പൂര്‍ത്തിയായിവരികയാണെന്ന് പോലീസ് അറിയിച്ചു.
Story highlight : Four Asians arrested in drug case in Oman.
