Flipkart apologizes for controversial ad mocking husbands

ഫ്ളിപ്പ്കാര്ട്ടിന്റെ ബിഗ് ബില്യണ് ഡേ സെയിലുമായി ബന്ധപ്പെട്ട ഒരു പ്രമോഷണല് വീഡിയോ വിവാദത്തില് പെട്ടിരിക്കുകയാണ്. ഭര്ത്താക്കന്മാരെ മന്ദബുദ്ധികളെന്നും മടിയന്മാരെന്നും നിര്ഭാഗ്യവാന്മാരെന്നും വിശേഷിപ്പിച്ച ഈ ആനിമേറ്റഡ് വീഡിയോ പുരുഷാവകാശ സംഘടനകളുടെ പ്രതിഷേധത്തിന് കാരണമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതിനെ തുടര്ന്ന് ഫ്ളിപ്പ്കാര്ട്ട് മാപ്പ് പറയേണ്ടി വന്നു. വീഡിയോയില് ഫ്ളിപ്പ്കാര്ട്ടിന്റെ ഓഫര് കണ്ട് ഹാന്ഡ്ബാഗുകള് വാങ്ങിക്കൂട്ടിയ ഭാര്യയെയാണ് കാണിച്ചിരുന്നത്.

ഭര്ത്താവറിയാതെ ഈ ഹാന്ഡ് ബാഗുകള് എങ്ങനെ സൂക്ഷിക്കാം എന്നതിനെ കുറിച്ച് വിവിധ ഉല്പ്പന്നങ്ങളുടെ ഓഫറുകളുമായി കൂട്ടിയിണക്കി വിശദീകരിക്കുന്നതിനിടെയാണ് ഭര്ത്താവിനെതിരെ മോശം പരാമര്ശങ്ങള് വന്നത്. പുരുഷാവകാശ സംഘടനയായ എന്സിഎംഇന്ത്യ കൗണ്സില് ഫോര് മെന് അഫയേഴ്സ് ഇതിനെതിരെ രംഗത്തെത്തി.

പരസ്യത്തെ ‘ടോക്സിക്’ എന്നും ‘പുരുഷ വിധ്വേഷകരം’ എന്നും സംഘടന വിശേഷിപ്പിച്ചു. വിഷയത്തില് കമ്പനി മാപ്പ് പറയണമെന്ന് ആവശ്യപ്പെട്ടുകൊണ്ട് സംഘടന സോഷ്യല് മീഡിയയില് വീഡിയോ പോസ്റ്റ് ചെയ്തു.

ഇതിനെ തുടര്ന്ന് ഫ്ളിപ്പ്കാര്ട്ട് മാപ്പ് പറഞ്ഞു. തെറ്റായി പോസ്റ്റ് ചെയ്ത അവഹേളിക്കുന്ന തരത്തിലുള്ള വീഡിയോയുമായി ബന്ധപ്പെട്ട് തങ്ങള് ഖേദം പ്രകടിപ്പിക്കുന്നുവെന്നും തെറ്റ് തിരിച്ചറിഞ്ഞയുടന് വീഡിയോ നീക്കം ചെയ്തതായും കമ്പനി വ്യക്തമാക്കി.

എമ്പുരാൻ വ്യാജ പതിപ്പ്: സൈബർ പൊലീസ് നടപടി ശക്തമാക്കി

Story Highlights: Flipkart apologizes after promotional video calling husbands stupid sparks outrage from men’s rights groups

ഇ-കൊമേഴ്സ് പരിശീലനം: പ്രതിമാസം 35,000 രൂപ വരെ സമ്പാദിക്കാം