കാബൂളിൽ സ്‌ഫോടനം; അഞ്ചു പേർ കൊല്ലപ്പെട്ടു.

ഒരു ഇടവേളയ്‌ക്ക് ശേഷം കാബൂൾ നഗരത്തിൽ വീണ്ടും സ്‌ഫോടനം. കാബൂളിലെ പാതയോരത്തുണ്ടായ സ്‌ഫോടനത്തിൽ അഞ്ചുപേരാണ് കൊല്ലപ്പെട്ടത്.

സംഭവത്തിൽ നിരവധി വാഹനങ്ങളും തകർന്നു.എന്നാൽ ഇതുവരെ സ്‌ഫോടനത്തിന്റെ ഉത്തരവാദിത്വം ആരും ഏറ്റെടുത്തിട്ടില്ല.ഒരു ടൊയോട്ടാ വാഹനത്തെ ലക്ഷ്യമിട്ടാണ് സ്‌ഫോടനം നടത്തിയതെന്ന് പ്രദേശവാസികൾ പറയുന്നു.

ഈ മാസം ആദ്യം കാബൂളിലെ സൈനിക ആശുപത്രിയിലും സ്ഫോടനം നടന്നിരുന്നു.സ്‌ഫോടനത്തിൽ താലിബാൻ ഭീകര നേതാവ് മരണപ്പെട്ടിരുന്നു.കാബൂൾ കേന്ദ്രീകരിച്ച് ഇതുവരെ നടന്നിട്ടുള്ള എല്ലാ സ്‌ഫോടനങ്ങളുടേയും ഉത്തരവാദിത്വം ഏറ്റെടുത്തിട്ടുള്ളത് ഐ.എസ് ഖൊറാസാൻ വിഭാഗമാണ്.

Story highlight : Five people were killed in Blast at Kabul.