മധ്യപ്രദേശിലെ സിംഗ്രൌലിയിൽ 60 വയസുള്ള സ്ത്രീയെ കൂട്ടബലാത്സംഗം ചെയ്ത സംഭവത്തില്‍ പ്രായപൂര്‍ത്തിയാകാത്തവർ അടക്കം അഞ്ച് പേര്‍ അറസ്റ്റില്‍. റെയിൽവേ ക്രോസിംഗിനടുത്തുകൂടി വീട്ടിലേക്ക് പോകുമ്പോഴാണ് വയോധിക ആക്രമിക്കപ്പെടുന്നത്.
മദ്യപിച്ചെത്തിയ പ്രതികള്‍ കുറ്റിക്കാട്ടിലേക്ക് സ്ത്രീയെ വലിച്ചിഴച്ച് കൊണ്ടുപോയി ബലാത്സംഗപ്പെടുത്തുകയായിരുന്നു. സംഭവ സ്ഥലത്തു നിന്നും പ്രതികള്‍ ഓടിരക്ഷപ്പെട്ടു. തുടർന്ന് വയോധിക പൊലീസ് സ്റ്റേഷനിലെത്തി പരാതിപ്പെടുകയായിരുന്നു.
അഞ്ച് പ്രതികളെയും പൊലീസ് അറസ്റ്റ് ചെയ്തതായി സിംഗൗളിയിലെ അഡീഷണൽ പൊലീസ് സൂപ്രണ്ട് അനിൽ സോങ്കർ പറഞ്ഞു. പ്രതികൾ കസ്റ്റഡിയിലാണെന്നും ചോദ്യം ചെയ്യുകയാണെന്നും അദ്ദേഹം വ്യക്തമാക്കി.
മധ്യപ്രദേശിൽ ആകെ 26,708 ബലാത്സംഗ കേസുകളാണ് 2017 ജനുവരി മുതൽ 2021 ജൂൺ വരെ റിപ്പോർട്ട്‌ ചെയ്തിരിക്കുന്നത്. അതിൽ 37 പേരാണ് കൂട്ടബലാത്സംഗത്തിന് ശേഷം കൊല്ലപ്പെട്ടിരിക്കുന്നത്.
Story highlight : Five people were arrested in Madhya Pradesh for raping an old woman.
