അന്തരിച്ച ബോളിവുഡ് നടൻ സുശാന്ത് സിംഗ് രജ്പുതിന്റെ ബന്ധുക്കളായ അഞ്ച് പേർ വാഹനാപകടത്തിൽ മരിച്ചു.
ബിഹാറിലെ ലക്ഷിസരായ് ജില്ലയിലെ ദേശീയപാത 333 ൽ വച്ചായിരുന്നു അപകടം.ഇവർ സഞ്ചരിച്ചിരുന്ന കാർ ട്രാക്കുമായി കൂട്ടിയിടിക്കുകയായിരുന്നു.
സംഭവത്തിൽ ഡ്രൈവറടക്കം ആറ് പേരാണ് മരണപ്പെട്ടത്.സുശാന്ത് സിംഗിന്റെ സഹോദരിയുടെ ഭർത്താവായ ഒ.പി സിംഗിന്റെ ബന്ധു ലാൽജീത് സിംഗാണ് മരിച്ചവരിൽ ഒരാൾ.
ഒ.പി സിംഗിന്റെ സഹോദരി ഗീത ദേവിയുടെ ഭർത്താവാണ് ലാൽജീത് സിംഗ്.ലാൽജീത് സിംഗും അദ്ദേഹത്തിന്റെ മക്കളും ബന്ധുക്കളുമാണ് കാറിൽ ഉണ്ടായിരുന്നത്.
ഗീത ദേവിയുടെ മരണാനന്തര ചടങ്ങിൽ പങ്കെടുത്ത് പട്നയിൽ നിന്ന് മടങ്ങവെയാണ് അപകടം നടന്നത്.
സംഭവ സ്ഥലത്ത് വച്ചു തന്നെ കാറിന്റെ ഡ്രൈവർ ഉൾപ്പെടെ ആറ് പേർ മരണപ്പെടുകയായിരുന്നു.
ലാൽജിത് സിംഗിന്റെ മകളായ അമിത് ശേഖർ, രാം ചന്ദ്രസിംഗ് ബന്ധുക്കളായ ബേബി ദേവി, അനിത ദേവി ഡ്രൈവർ പ്രീതം കുമാർ എന്നിവരാണ് മരണപ്പെട്ടത്.
പരിക്കേറ്റവർ ആശുപത്രിയിൽ ചികിത്സയിൽ കഴിയുകയാണ്.
Story highlight : five members of Sushant Singh Rajput’s family died in road Accident.
