സ്പാനിഷ് ഫുട്ബോൾ താരം ലമിൻ യമാലിന്റെ പിതാവിന് കുത്തേറ്റു; സംഭവത്തിൽ അന്വേഷണം തുടരുന്നു

സ്പാനിഷ് ഫുട്ബോൾ താരം ലമിൻ യമാലിന്റെ പിതാവ് മുനിർ നസ്രോയിക്ക് അജ്ഞാതനിൽ നിന്ന് കുത്തേറ്റ സംഭവം സ്പെയിനിൽ വലിയ ചർച്ചയായിരിക്കുകയാണ്. ബുധനാഴ്ച വൈകീട്ട് സ്പെയിനിലെ വടക്കുകിഴക്കൻ പട്ടണമായ മറ്റാറോയിലെ ഒരു കാർ പാർക്കിങ് സ്ഥലത്താണ് സംഭവം നടന്നത്. കത്തി ഉപയോഗിച്ച് ഒന്നിലധികം തവണ കുത്തേറ്റതായി സ്പാനിഷ് മാധ്യമമായ ലാ വാങ്ഗ്വാർഡിയ റിപ്പോർട്ട് ചെയ്തു.

സംഭവത്തിന് മുമ്പ് വളർത്തുനായയുമായി നടക്കാനിറങ്ങിയ മുനിറും പ്രദേശവാസികളുമായി തർക്കമുണ്ടായതായി ദൃക്സാക്ഷികൾ വെളിപ്പെടുത്തി. തുടർന്ന് മടങ്ങിപ്പോയ ഇവർ തിരികെയെത്തി മുനിറിനെ ആക്രമിക്കുകയായിരുന്നു. ഈ സംഭവത്തിന്റെ വീഡിയോ ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.

പരിക്കേറ്റ മുനിർ നസ്രോയിയെ ഉടൻ തന്നെ സമീപത്തെ കാൻ റുട്ടി ആശുപത്രിയിൽ പ്രവേശിപ്പിച്ചു. അദ്ദേഹത്തിന്റെ ആരോഗ്യനില തൃപ്തികരമാണെന്നാണ് റിപ്പോർട്ടുകൾ സൂചിപ്പിക്കുന്നത്. യമാലിന്റെ കുടുംബം മറ്റാറോയിലെ റോക്കഫോൺഡയിലാണ് താമസിക്കുന്നത്. സംഭവത്തിൽ പോലീസ് കേസെടുത്ത് അന്വേഷണം നടത്തുന്നുണ്ട്. ചിലരെ അറസ്റ്റ് ചെയ്തതായി അനൗദ്യോഗിക റിപ്പോർട്ടുകളുണ്ടെങ്കിലും ഇത് ഔദ്യോഗികമായി സ്ഥിരീകരിച്ചിട്ടില്ല.

Story Highlights: Father of Spanish footballer Lamin Yamal stabbed in parking lot altercation in Spain