കുട്ടികളുണ്ടാവാൻ കോഴിയുടെ രക്തം കുടിപ്പിച്ച് ലൈംഗിക പീഡനം.

മഹാരാഷ്ട്രയിലാണ് ആൾ ദൈവത്തിന്റെ നിർദ്ദേശപ്രകാരം
യുവതി ഭർതൃ പിതാവിന്റെ ലൈംഗിക പീഡനത്തിന് ഇരയായത്. കോഴിയുടെ രക്തം കുടിപ്പിച്ച് പീഡിപ്പിക്കാൻ ശ്രമിച്ചതായാണ് യുവതി പൊലീസിൽ പരാതി നൽകിയത്.

യുവാവിന് കുട്ടികൾ ഉണ്ടാവില്ലെന്ന കാര്യം മറച്ചുവെച്ചാണ് ഇരുവരുടെയും വിവാഹം നടത്തിയത്. തന്റെ ഭർത്താവിന് കുട്ടികൾ ഉണ്ടാകില്ലെന്ന വിവരം യുവതി തന്റെ വീട്ടിൽ അറിയിച്ചതിന് പിന്നാലെയാണ് യുവതി പീഡനത്തിനിരയായത്. കുട്ടികളുണ്ടാവാനായി ആൾ ദൈവത്തിന്റെ നിർദ്ദേശം മൂലം ഭർതൃ പിതാവ് ലൈംഗികമായി പീഡിപ്പിക്കുകയായിരുന്നെന്ന് യുവതി മൊഴി നൽകി.

 2018ലാണ് ഇരുവരുടെയും വിവാഹം നടന്നത്. സംഭവത്തിൽ യുവതിയുടെ ഭർത്താവിനെയും ഭർതൃ പിതാവിനെയും പോലീസ് അറസ്റ്റ് ചെയ്തതായാണ് റിപ്പോർട്ട്. മന്ത്രവാദവും മനുഷ്യ ബലിയും തടയുന്ന വകുപ്പനുസരിച്ച് യുവതിയുടെ പരാതിയിൽ കേസെടുത്തതായി പോലീസ് വ്യക്തമാക്കി. പരാതി  വിശദമായി അന്വേഷിക്കുമെന്നും പോലീസ് അറിയിച്ചു.

Story Highlights: Father in Law Rapes woman for black magic.