ന്യൂഡൽഹി: ഡൽഹിയിൽ നവജാത ശിശുവിനെ ചുമരിലെറിഞ്ഞ് കൊന്ന സംഭവത്തിൽ 26 വയസ്സുകാരനായ പിതാവ് അറസ്റ്റിൽ.മദ്യപിച്ച് വീട്ടിലെത്തി ഭാര്യയുമായി വാക്കുതർക്കത്തിൽ ഏർപ്പെട്ടെ യുവാവ് ദേഷ്യം നിയന്ത്രിക്കാൻ കഴിയാതെ വന്നതോടെ കുഞ്ഞിനെ ചുമരിലെറിഞ്ഞ് കൊലപ്പെടുത്തുകയായിരുന്നു.
ഡിസംബർ മൂന്നാം തീയതിയായിരുന്നു കേസിനാസ്പദമായ സംഭവം നടന്നത്.മൂന്ന് മാസം മാത്രം പ്രായമുള്ള കുഞ്ഞിന്റെ തലയ്ക്ക് ക്ഷതമേറ്റതോടെ മരണപ്പെടുകയായിരുന്നു.കുഞ്ഞിന്റെ തലയോട്ടി പൂർണമായും തകർന്ന നിലയിൽ ആയിരുന്നുവെന്നാണ് റിപ്പോർട്ട്‌.
പോലീസ് സംഭവ സ്ഥലത്തെത്തിയപ്പോൾ മദ്യപിച്ച് ബോധമില്ലാത്ത അവസ്ഥയിലായിരുന്നു യുവാവ്.യുവാവ് ഭാര്യയുമായി ദിവസവും വഴക്കിടാറുണ്ടെന്ന് സമീപവാസികൾ പോലീസിനു മൊഴി നൽകി.ഭാര്യ സ്വകാര്യ കമ്പനിയിൽ ജോലി ചെയ്തു വരികയാണ്.യുവാവ് ജോലിക്ക് പോയിരുന്നില്ല.
Story highlight : father arrested for killing newborn baby in Delhi.
