Missing 13-year-old girl spotted in Shankhumukham: Eyewitness

കഴക്കൂട്ടത്ത് നിന്ന് കാണാതായ 13 വയസുകാരി ശംഖുമുഖത്ത് എത്തിയതായി ദൃക്സാക്ഷി മൊഴി നൽകി. ശംഖുമുഖം സ്വദേശി മണികണ്ഠനാണ് ഈ വിവരം നൽകിയത്. പെൺകുട്ടിയെ നാല് മണിക്ക് ശേഷം ശംഖുമുഖത്ത് കണ്ടതായി അദ്ദേഹം പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സ്കൂൾ ബാഗുമായാണ് പെൺകുട്ടിയെ കണ്ടതെന്ന് പ്രദേശവാസി വ്യക്തമാക്കി. പെൺകുട്ടിയെ കണ്ട സ്ഥലം പൊലീസ് ഉദ്യോഗസ്ഥർക്ക് കാണിച്ചു കൊടുക്കുകയും ചെയ്തു. പൊലീസ് നടത്തിവന്ന പരിശോധനയ്ക്കിടെയാണ് ശംഖുമുഖത്ത് ഉറങ്ങിക്കിടന്നയാളോട് പെൺകുട്ടിയെ സംബന്ധിച്ച വിവരങ്ങൾ തേടിയത്.

ചിത്രങ്ങൾ ഉൾപ്പെടെ കാണിച്ച് നൽകിയാണ് ഇയാളിൽ നിന്ന് വിവരങ്ങൾ ശേഖരിച്ചത്. മണികണ്ഠന്റെ മൊഴിയിൽ അന്വേഷണം നടത്താൻ പോലീസ് തീരുമാനിച്ചു. ഇയാൾ മദ്യപിച്ചിട്ടില്ലെന്നും വിശ്വസിക്കാമെന്നും കഴക്കൂട്ടം എസിപി വ്യക്തമാക്കി.

ഇന്നലെ രാവിലെ 10 മണി മുതലാണ് പെൺകുട്ടിയെ കാണാതായത്. വിവരത്തിൽ അന്വേഷണം നടത്തുമെന്ന് കഴക്കൂട്ടം എസിപി അറിയിച്ചു. കുട്ടിയെ ഇവിടെ കണ്ടുവെന്ന് മറ്റൊരാൾ കൂടി മൊഴി നൽകിയാൽ, ശംഖുമുഖം കേന്ദ്രീകരിച്ച് വ്യാപക പരിശോധന നടത്താൻ തീരുമാനിച്ചിട്ടുണ്ട്.

ഉമ്മൻചാണ്ടി സർക്കാരിനെതിരായ പരാമർശത്തിൽ ഖേദം പ്രകടിപ്പിച്ച് വനം മന്ത്രി

പെൺകുട്ടിയെ കണ്ടെന്ന് പ്രദേശവാസി ഉറപ്പിച്ച് പറയുന്നതായും റിപ്പോർട്ടുകൾ സൂചിപ്പിക്കുന്നു.

Story Highlights: Eyewitness reports 13-year-old missing girl from Kazhakkoottam spotted at Shankhumukham

യു.ഡി. ക്ലർക്കിനെ കാണാതായി: പോലീസ് അന്വേഷണം ആരംഭിച്ചു