കൊല്ലം – വിശാഖപട്ടണം എക്സ്പ്രസിൽ യാത്ര ചെയ്തിരുന്ന വൃദ്ധ ദമ്പതികൾക്ക് നേരെ കവർച്ച നടന്നു. വെള്ളിയാഴ്ച രാത്രിയാണ് സംഭവം. പത്തനംതിട്ട വടശ്ശേരിക്കര തലച്ചിറ സ്വദേശികളായ പി. ഡി. രാജു (70), ഭാര്യ മറിയാമ്മ (68) എന്നിവരാണ് കവർച്ചയ്ക്ക് ഇരയായത്. ദമ്പതികൾ തമിഴ്നാട് ഹൊസൂറിൽ സ്ഥിരതാമസക്കാരാണ്. നാട്ടിൽ വന്നു മടങ്ങി പോകുമ്പോഴാണ് ഈ ദുരനുഭവം ഉണ്ടായത്.
ബർത്തിന് അരികിൽ ദമ്പതികൾ വെച്ചിരുന്ന ഫ്ലാസ്കിലെ വെള്ളത്തിൽ മയക്കുമരുന്ന് കലർത്തിയതായാണ് സംശയം. വെള്ളം കുടിച്ച ശേഷം ബോധരഹിതരായെന്ന് ദമ്പതികൾ പോലീസിനോട് വെളിപ്പെടുത്തി. സ്വർണാഭരണങ്ങളും മൊബൈൽ ഫോണുകളും ബാഗും ഉൾപ്പെടെ എല്ലാം കവർച്ചയിൽ നഷ്ടമായതായി അറിയുന്നു.
ഇരകളായ ദമ്പതികളെ വൈദ്യ പരിശോധനയ്ക്കായി വെല്ലൂർ സിഎംസി ആശുപത്രിയിൽ പ്രവേശിപ്പിച്ചു. സംഭവത്തിൽ കാട്പാടി റെയിൽവെ പോലീസിൽ പരാതി നൽകിയിട്ടുണ്ട്. കവർച്ചയുടെ വിശദാംശങ്ങൾ പുറത്തുവന്നിട്ടില്ല. അന്വേഷണം പുരോഗമിക്കുകയാണ്.
Story Highlights: Elderly couple robbed on Kollam-Visakhapatnam Express train after being drugged
