ഇ-ബുൾ ജെറ്റ് വാഹനത്തിന്റെ രജിസ്ട്രേഷൻ റദ്ദാക്കി മോട്ടോർ വാഹന വകുപ്പ്.

കണ്ണൂർ : ബുൾ ജെറ്റ് സഹോദരന്മാർ എന്നറിയപ്പെടുന്ന എബിൻ, ലിബിൻ എന്നിവരുടെ നിയമവിരുദ്ധമായി രൂപമാറ്റം വരുത്തിയ ടെംപോ ട്രാവലറിന്റെ റജിസ്ട്രേഷൻ ആറ് മാസത്തേക്ക് റദ്ദാക്കി.

വാഹനം രൂപമാറ്റം വരുത്തിയതുമായി ബന്ധപ്പെട്ട വിഷയത്തിൽ വാഹന ഉടമകളുടെ മറുപടി തൃപ്തികരമല്ലാത്തതിനെ തുടർന്നാണ് മോട്ടർ വാഹന വകുപ്പിന്റെ ഇങ്ങനെയൊരു നടപടി. മോട്ടർ വാഹന വകുപ്പ്  ഇ ബുൾ ജെറ്റിനെതിരായ കേസിൽ മുൻപ് തലശ്ശേരി എസിജെഎം കോടതിയിൽ കുറ്റപത്രം നൽകിയിരുന്നു.

42,400 രൂപ പിഴ അടയ്ക്കാത്തതിനാലാണ് കുറ്റപത്രം സമർപ്പിച്ചത്. 1988ലെ മോട്ടർ വാഹന വകുപ്പ് നിയമവും, കേരള മോട്ടർ നികുതി നിയമവും ലംഘിച്ചതായി കുറ്റപത്രത്തിൽ ചൂണ്ടിക്കാട്ടുന്നു.

Story highlight : E Bull Jet’s vehicle registration suspended.