Drunk Doctors' Jeep Crash Kills Man in Thiruvananthapuram

തിരുവനന്തപുരം ആക്കുളത്ത് മദ്യലഹരിയിലായിരുന്ന രണ്ട് യുവ ഡോക്ടർമാർ ഓടിച്ച ജീപ്പ് ബൈക്കിൽ ഇടിച്ച് ഒരാൾ മരിച്ചു. പാറശാല സ്വദേശിയായ ശ്രീറാം (26) ആണ് മരിച്ചത്. ബൈക്കിൽ ഉണ്ടായിരുന്ന മറ്റൊരാളായ ഷാനു (26) ഗുരുതരമായി പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആക്കുളം പാലത്തിൽ വെച്ചാണ് ഇന്നലെ രാത്രി അപകടം നടന്നത്. അമിത വേഗതയിലായിരുന്ന ജീപ്പ് നിയന്ത്രണം വിട്ട് എതിരെ വന്ന ബൈക്കിൽ ഇടിക്കുകയായിരുന്നു. ഡോക്ടർമാരായ വിഷ്ണുവും അതുലുമാണ് ജീപ്പിൽ ഉണ്ടായിരുന്നത്.

വിഷ്ണുവാണ് വാഹനം ഓടിച്ചിരുന്നത്. ഇരുവരെയും തുമ്പ പോലീസ് കസ്റ്റഡിയിലെടുത്തു. മനഃപൂർവമല്ലാത്ത നരഹത്യയ്ക്ക് പോലീസ് കേസെടുത്തു.

വിഷ്ണു ഒരു സ്വകാര്യ ആശുപത്രിയിൽ ജോലി ചെയ്യുന്നു. അതുൽ മെഡിക്കൽ കോളേജിൽ പിജി വിദ്യാർത്ഥിയാണ്. അതുലിന്റെ അമ്മയുടെ പേരിലാണ് വാഹനം രജിസ്റ്റർ ചെയ്തിരിക്കുന്നത്.

അപകടത്തിൽപ്പെട്ട ശ്രീറാമും ഷാനുവും ഓൺലൈൻ ഭക്ഷണ വിതരണക്കാരായിരുന്നു. ഡോക്ടർമാർ മദ്യലഹരിയിലായിരുന്നെന്ന് പോലീസ് സ്ഥിരീകരിച്ചു. അപകടത്തിൽ ഗുരുതരമായി പരിക്കേറ്റ ശ്രീറാമിനെ ഉടൻ തന്നെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും ഇന്ന് രാവിലെ 11 മണിയോടെ മരണം സംഭവിച്ചു.

കണ്ണൂർ സർവ്വകലാശാലയിൽ വിവിധ കോഴ്സുകളിലേക്ക് അപേക്ഷകൾ ക്ഷണിച്ചു

Story Highlights: A man died after being hit by a jeep driven by two young doctors under the influence of alcohol in Thiruvananthapuram.

ഷൈൻ ടോം ചാക്കോയുടെയും അമ്മയുടെയും ആരോഗ്യനില തൃപ്തികരം; സംസ്കാരം തിങ്കളാഴ്ച