Missing driver's wife gets government job in Kerala

കോഴിക്കോട് വേങ്ങേരി സർവീസ് സഹകരണ ബാങ്കിൽ ജൂനിയർ ക്ലർക്കായി കൃഷ്ണപ്രിയ ജോലിയിൽ പ്രവേശിച്ചു. ഷിരൂർ മണ്ണിടിച്ചിലിൽ കാണാതായ അർജുൻ്റെ ഭാര്യയാണ് കൃഷ്ണപ്രിയ. കൂടെ നിന്നവർക്ക് നന്ദിയെന്നും അർജ്ജുനായുള്ള തിരച്ചിൽ തുടരണമെന്നും അവർ 24 നോട് പറഞ്ഞു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സഹകരണ വകുപ്പ് പുറത്തിറക്കിയ ഉത്തരവിലൂടെയാണ് കൃഷ്ണപ്രിയയ്ക്ക് ജോലി ലഭിച്ചത്. നിയമത്തിൽ ഇളവുകൾ നൽകിയാണ് തീരുമാനമെന്ന് മന്ത്രി വി എൻ വാസവൻ വ്യക്തമാക്കിയിരുന്നു. ഒന്നരമാസം മുൻപുണ്ടായ അപ്രതീക്ഷിത മണ്ണിടിച്ചിലിലാണ് ഗംഗാവലി പുഴയ്ക്ക് സമീപത്ത് വച്ച് അർജുൻറെ ലോറി അപകടത്തിൽ പെടുന്നത്.

അന്നു മുതൽ പല വിധേയനെയും തിരച്ചിൽ നടന്നെങ്കിലും കണ്ടെത്താനായില്ല. അതേസമയം ഷിരൂരിൽ കനത്ത മഴ തുടരുകയാണ്. കാലാവസ്ഥ അനുകൂലമായാൽ ഡ്രഡ്ജർ എത്തിച്ച് തിരച്ചിൽ പുനരാരംഭിക്കാനാണ് നിലവിലെ തീരുമാനം.

ഇക്കാര്യം ആവശ്യപ്പെട്ട് അർജുന്റെ കുടുംബം കർണാടക മുഖ്യമന്ത്രിയെ കണ്ടിരുന്നു. അർജുനെ കണ്ടെത്താനുള്ള ശ്രമങ്ങൾ തുടരുന്നതിനിടെയാണ് കൃഷ്ണപ്രിയയ്ക്ക് സർക്കാർ ജോലി ലഭിച്ചിരിക്കുന്നത്.

മാസപ്പടി കേസ്: നിയമപോരാട്ടം തുടരുമെന്ന് മാത്യു കുഴൽനാടൻ

Story Highlights: Missing driver Arjun’s wife Krishnapriya joins cooperative bank as junior clerk

സിപിഐഎം റിപ്പോർട്ട്: മുതിർന്ന നേതാക്കളെ അവഗണിക്കരുത്, കൊഴിഞ്ഞുപോക്ക് ആശങ്കാജനകം