കാമുകനും സുഹൃത്തുക്കളും ചേർന്ന് കൂട്ടബലാൽസംഗം; 15കാരി ആശുപത്രിയിൽ.

മുംബൈ ഡോമ്പിവ്ലിയിൽ 15 വയസ്സുകാരി കൂട്ട ബലാത്സംഗത്തിനിരയായ സംഭവത്തിൽ 33 പേർക്കെതിരെ പോലീസ് കേസെടുത്തു. 24 പേരെ അറസ്റ്റ് ചെയ്തതിൽ ഏഴു പേർക്കായി പോലീസിന്റെ തിരച്ചിൽ തുടരുകയാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ ജനുവരി 29 മുതൽ ഈ മാസം 22 വരെ എട്ടു മാസത്തോളമായി പെൺകുട്ടിയുടെ കാമുകൻ അടക്കമുള്ള യുവാക്കളുടെ സംഘം പെൺകുട്ടിയെ കൂട്ട പീഡനത്തിന് ഇരയാക്കുകയായിരുന്നു.

ജനുവരിയിൽ പെൺകുട്ടിയുടെ കാമുകൻ ആദ്യം പീഡിപ്പിച്ചതിനു ശേഷം ദൃശ്യങ്ങൾ പകർത്തി. ഈ ദൃശ്യങ്ങൾ ഉപയോഗിച്ച് പിന്നീട് പെൺകുട്ടിയെ ഭീഷണിപ്പെടുത്തി പലവട്ടം പീഡിപ്പിക്കുകയായിരുന്നു. ശേഷം കാമുകനും സുഹൃത്തുക്കളും ചേർന്ന് അഞ്ചു പ്രാവശ്യം മുംബൈയിലെ വിവിധയിടങ്ങളിൽ കൊണ്ടുപോയി പീഡിപ്പിച്ചു.

കഴിഞ്ഞ ദിവസം പെൺകുട്ടി ബന്ധുവിനോട് കാര്യങ്ങൾ പറഞ്ഞതോടെയാണ് സംഭവം പുറത്തറിഞ്ഞത്. തുടർന്ന് കുടുംബാംഗങ്ങൾ പോലീസിൽ പരാതിപ്പെട്ടു. തന്നെ പീഡിപ്പിച്ച 33 പേരുടെ പേരുകളും പെൺകുട്ടി പോലീസിന് നൽകി.

യൂത്ത് കോൺഗ്രസ് ഫണ്ട് വിവാദം: ജില്ലാ സെക്രട്ടറി ഉൾപ്പെടെ നാലുപേർക്ക് സസ്പെൻഷൻ

ആശുപത്രിയിൽ പ്രവേശിപ്പിച്ച കുട്ടിയുടെ ആരോഗ്യനില തൃപ്തികരമെന്ന് അധികൃതർ അറിയിച്ചു. ലൈംഗികപീഡനം, കൂട്ട ബലാത്സംഗം, തുടർച്ചയായ പീഡനം, പോക്സോ തുടങ്ങിയ വകുപ്പുകൾ ചുമത്തി പ്രതികൾക്കെതിരെ പോലീസ് കേസെടുത്തു.

Story Highlights: Dombivli Gangrape case.

മുംബൈയിൽ ഒരു ചായയ്ക്ക് 1000 രൂപയോ?; ഞെട്ടലോടെ പ്രവാസി മലയാളി