ടോക്യോ:ഒളിമ്പിക്സിൽ ഗോൾഡൻ സ്ലാം പ്രതീക്ഷിച്ച് എത്തിയ ലോക ഒന്നാം നമ്പർ താരം നൊവാക് ദ്യോകോവിച്ചിന് വൻ തിരിച്ചടി.
ലോക റാങ്കിങ്ങിൽ 65-ാം സ്ഥാനത്തുള്ള സ്പാനിഷ് താരം പാബ്ലോ കരേനോ ബുസ്റ്റയോട് വെങ്കല മെഡലിനായുള്ള മത്സരത്തിൽ ദ്യോക്കോവിച്ച് പരാജയപ്പെട്ടു. മൂന്നു സെറ്റ് നീണ്ട പോരാട്ടത്തിലായിരുന്നു തോൽവിയുണ്ടായത്.
സ്പാനിഷ് താരം ആദ്യ സെറ്റ് 6-4ന് സ്വന്തമാക്കിയപ്പോൾ രണ്ടാം സെറ്റ് ടൈ ബ്രേക്കറിന് ഒടുവിൽ ദ്യോക്കോ നേടി. എന്നാൽ മൂന്നാം സെറ്റിൽ ദ്യോക്കോയ്ക്ക് പാബ്ലോ ബുസ്റ്റയോട് പിടിച്ചുനിൽക്കാൻ കഴിഞ്ഞില്ല.സെറ്റും വെങ്കല മെഡലും 6-3ന് സ്പാനിഷ് താരം സ്വന്തമാക്കി.
ജർമനിയുടെ അലക്സാണ്ടർ സ്വരേവിനോടാണ് മുൻപ് സെമി ഫൈനലിൽ ദ്യോക്കോവിച്ച് തോറ്റത്. ലോക റാങ്കിങ്ങിൽ അഞ്ചാമതുള്ള സ്വരേവിന്റെ വിജയം മൂന്നു സെറ്റു നീണ്ട പോരാട്ടത്തിനൊടുവിലായിരുന്നു.
Story highlight: Djokovic Defeated.
