Delhi Shooting: One Dead, Two Injured in Kabir Nagar Attack

നോർത്ത് ഈസ്റ്റ് ഡൽഹിയിലെ കബീർ നഗർ പ്രദേശത്ത് കഴിഞ്ഞ ദിവസം രാത്രി നടന്ന വെടിവെപ്പിൽ ഒരാൾ കൊല്ലപ്പെടുകയും രണ്ട് പേർക്ക് പരിക്കേൽക്കുകയും ചെയ്തു. സ്കൂട്ടറിൽ വീട്ടിലേക്ക് മടങ്ങുകയായിരുന്ന മൂന്ന് സുഹൃത്തുക്കൾക്ക് നേരെയായിരുന്നു ആക്രമണം. ബൈക്കിലെത്തിയ സംഘം ഏഴ് റൗണ്ട് വെടിയുതിർത്തു. നദീമും രണ്ട് കൂട്ടാളികളും ഭക്ഷണം കഴിക്കാൻ പോകുമ്പോഴായിരുന്നു സംഭവം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അക്രമികൾ നദീമിന്റെ സ്കൂട്ടറും മൊബൈൽ ഫോണുമായി സംഭവസ്ഥലത്ത് നിന്ന് രക്ഷപ്പെട്ടു. മോട്ടോർ സൈക്കിൾ ഉപേക്ഷിച്ചായിരുന്നു രക്ഷപ്പെട്ടത്. നാട്ടുകാർ ഓടിയെത്തി പരിക്കേറ്റവരെ ഗുരു തേജ് ബഹാദൂർ ആശുപത്രിയിൽ എത്തിച്ചെങ്കിലും നദീം മരിച്ചു. ഒരാളുടെ നില ഗുരുതരമായി തുടരുകയാണ്.

സംഭവവുമായി ബന്ധപ്പെട്ട് പ്രായപൂർത്തിയാകാത്ത മൂന്ന് പേരെ പൊലീസ് അറസ്റ്റ് ചെയ്തു. ഇവരിൽ ഒരാൾ നദീമിൽ നിന്ന് പണം കടം വാങ്ങിയതായും തിരിച്ചടവിന് സമ്മർദം ചെലുത്തിയിരുന്നതായും പൊലീസ് പറയുന്നു. സമീപത്തെ ജ്യോതി നഗറിൽ നടന്ന വെടിവെപ്പിലും അക്രമികൾക്ക് ബന്ധമുണ്ടെന്ന് സംശയിക്കുന്നു. പൊലീസ് അന്വേഷണം പുരോഗമിക്കുകയാണ്.

കഞ്ചാവുമായി നാഷണൽ സ്കേറ്റിംഗ് ചാമ്പ്യൻ പിടിയിൽ; ഓപ്പറേഷൻ ഡി ഹണ്ട് ശക്തമാക്കി പോലീസ്

Story Highlights: Shooting in North East Delhi’s Kabir Nagar area leaves one dead and two injured

കളിസ്ഥലത്തെ തർക്കം കൊലപാതകത്തിൽ കലാശിച്ചു; ഹുബ്ബള്ളിയിൽ ഏഴാം ക്ലാസുകാരൻ ഒമ്പതാം ക്ലാസുകാരനെ കുത്തിക്കൊന്നു