അനധികൃതമായി കൊല്ലത്തേക്ക് കൊണ്ടുവന്ന ഗർഭിണിയായ പശു ചത്തു.

സംസ്ഥാനത്ത് മൃഗങ്ങളോടുള്ള ക്രൂരത തുടർക്കഥയാകുന്നു. പൊള്ളാച്ചിയിൽ നിന്നാണ് കൊല്ലത്തേക്ക് മൂന്നു പശുക്കളെയും രണ്ട് പശുകുട്ടികളെയും ഇടുങ്ങിയ വാഹനത്തിൽ എത്തിച്ചത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാൽ കൊച്ചിയിൽ എത്തിയതോടെ ഗർഭിണിയായ ഒരു പശു ചത്തു. മറ്റൊന്ന് യാത്രാമധ്യേ പ്രസവിച്ചു.

വഴിമധ്യേ പ്രസവിച്ച പശുവിന്റെയും പശുക്കുട്ടിയുടെയും ആരോഗ്യ നില ഗുരുതരമായി തുടരുകയാണ്. മൃഗങ്ങൾക്ക് അടിയന്തര ചികിത്സ മൃഗഡോക്ടർമാരെത്തി ഉറപ്പാക്കിയിട്ടുണ്ട്.

പൊള്ളാച്ചിയിൽ നിന്നും കൊല്ലത്തേക്ക് വരുന്ന വഴിയിൽ കുമ്പളം ടോൾ പ്ലാസയ്ക്ക് അടുത്തെത്തിയപ്പോഴാണ് പശുവിന് പ്രസവിക്കാനുള്ള ബുദ്ധിമുട്ടുകൾ ഉണ്ടായത്. തുടർന്ന് വാഹനം നിർത്തി പുറത്തിറക്കിയെങ്കിലും പ്രസവിച്ചതോടെ ഗർഭപാത്രം അടക്കം പുറത്തു വരികയായിരുന്നു.

ഒരാഴ്ചയ്ക്കിടെ പ്രസവിക്കുമെന്ന ധാരണയോടെയാണ് പശുക്കളെ കൊണ്ടുവന്നതെന്നാണ് വിവരം. അതേസമയം വാഹനത്തിൽ നിന്നും പശു വീഴുകയായിരുന്നെന്നും ഉടൻ പ്രസവം നടന്നതാണെന്നും നാട്ടുകാർ പറഞ്ഞു.

ഷൈൻ ടോം ചാക്കോ ലഹരിക്കേസ്: കൂടുതൽ പേരുടെ മൊഴിയെടുക്കും

നാട്ടുകാർ വിവരം അറിയിച്ചതിനെ തുടർന്നാണ് പോലീസ് എത്തിയത്. ശേഷം പോലീസ് മൃഗഡോക്ടർമാരെ സംഭവസ്ഥലത്ത് എത്തിച്ച് ചികിത്സ നൽകുകയായിരുന്നു.

Story Highlights: Cruelty to cow.

ഹൈക്കോടതിയിൽ ബോംബ് ഭീഷണി; സുരക്ഷ ശക്തമാക്കി