Cough Syrup Found in Toddy in Palakkad, Excise Case Filed

ചിറ്റൂരിലെ കള്ളിൽ ചുമമരുന്നിന്റെ സാന്നിധ്യം കണ്ടെത്തിയ സംഭവത്തിൽ എക്സൈസ് വകുപ്പ് കേസെടുത്തിട്ടുണ്ട്. കുറ്റിപ്പള്ളം, വണ്ണാമട എന്നീ ഷാപ്പുകളിൽ നിന്നാണ് ചുമമരുന്നിന്റെ അംശം കണ്ടെത്തിയത്. കഴിഞ്ഞ സെപ്റ്റംബറിൽ എക്സൈസ് ചിറ്റൂർ റേഞ്ച് ശേഖരിച്ച കള്ളിന്റെ സാമ്പിളുകൾ പരിശോധനയ്ക്ക് അയച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഈ പരിശോധനാ ഫലങ്ങളാണ് ഇപ്പോൾ പുറത്തുവന്നിരിക്കുന്നത്. ചുമമരുന്നിലെ ബനാ ഡ്രില്ലിന്റെ സാന്നിധ്യമാണ് കള്ളിൽ കണ്ടെത്തിയത്. എന്തിനാണ് കള്ളിൽ ചുമമരുന്ന് ചേർത്തതെന്ന് ഇതുവരെ വ്യക്തമായിട്ടില്ല.

ഷാപ്പുകളുടെ ലൈസൻസിയായ സിപിഎം മുൻ ബ്രാഞ്ച് സെക്രട്ടറി ശിവരാജനും വിതരണക്കാർക്കുമെതിരെയാണ് കേസെടുത്തിരിക്കുന്നത്. കള്ളിൽ ചുമമരുന്ന് കലർത്തിയ സംഭവത്തിൽ ജുഡീഷ്യൽ അന്വേഷണം വേണമെന്ന് കോൺഗ്രസ് ആവശ്യപ്പെട്ടു. ഷാപ്പുകളുടെ നടത്തിപ്പുകാരൻ സിപിഐ എംഎം കുമാരന്നൂർ ബ്രാഞ്ച് സെക്രട്ടറി രംഗനാഥനാണെന്നും കോൺഗ്രസ് നേതാവ് സുമേഷ് അച്യുതൻ ആരോപിച്ചു.

സിപിഐഎം- എക്സൈസ് ഒത്തുകളിയുടെ ഭാഗമായാണ് ഷാപ്പുകൾ ഇനിയും പൂട്ടാത്തതെന്നും കോൺഗ്രസ് ആരോപണം ഉന്നയിച്ചിട്ടുണ്ട്. എന്നാൽ, കള്ളിൽ ചുമമരുന്ന് കലർത്തിയ സംഭവത്തിൽ ഷാപ്പുകൾ ഇതുവരെ അടച്ചുപൂട്ടിയിട്ടില്ല. കേസെടുത്തിട്ടുണ്ടെങ്കിലും ഷാപ്പുകൾ പ്രവർത്തിക്കുന്നത് വിവാദങ്ങൾക്ക് വഴിവച്ചിട്ടുണ്ട്.

കുന്നംകുളം പൊലീസ് മർദനം: നിയമസഭയിൽ ഉന്നയിക്കുമെന്ന് കുഞ്ഞാലിക്കുട്ടി; എല്ലാ പൊലീസുകാർക്കുമെതിരെ കേസെടുത്തില്ലെന്ന് സുജിത്ത്

സംഭവത്തിൽ വിശദമായ അന്വേഷണം നടത്തുമെന്ന് എക്സൈസ് വകുപ്പ് അറിയിച്ചു.

Story Highlights: Cough syrup found in toddy at two shops in Palakkad, Kerala, leading to an excise case against the licensee and distributors.

ഓണക്കാലത്ത് മിൽമയ്ക്ക് റെക്കോർഡ് വില്പന; ഉത്രാട ദിനത്തിൽ വിറ്റത് 38.03 ലക്ഷം ലിറ്റർ പാല്