Congress Leader Booked for Alleged Molestation in Nadapuram

നാദാപുരത്ത് കോൺഗ്രസ് പ്രവർത്തകയ്ക്ക് നേരെ പീഡനശ്രമം നടത്തിയെന്ന പരാതിയിൽ കോൺഗ്രസ് മണ്ഡലം നേതാവിനെതിരെ പോലീസ് കേസെടുത്തു. ഐ. എൻ. ടി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

യു. സി നാദാപുരം റീജിയണൽ പ്രസിഡന്റ് കെ. ടി. കെ അശോകനാണ് കേസിലെ പ്രതി.

യുവതിയുടെ മകനെതിരായ കേസിൽ ഇടപെടാമെന്ന് പറഞ്ഞ് 6,70,000 രൂപ വാങ്ങി വഞ്ചിച്ചതിനും അശോകനെതിരെ കേസുണ്ട്. യുവതിക്ക് പണം തിരികെ നൽകാമെന്ന് പറഞ്ഞ് വീട്ടിലേക്ക് വിളിച്ചുവരുത്തിയ ശേഷമാണ് പീഡനശ്രമം നടന്നതെന്ന് പരാതിയിൽ പറയുന്നു. തിങ്കളാഴ്ചയാണ് സംഭവം. പണം ആവശ്യപ്പെട്ട് വീട്ടിലെത്തിയ യുവതിയോട് അശോകൻ ക്ഷുഭിതനായി ഭീഷണിപ്പെടുത്തുകയും കയറിപ്പിടിക്കാൻ ശ്രമിക്കുകയും ചെയ്തുവെന്നാണ് യുവതിയുടെ പരാതി.

പീഡനശ്രമത്തിൽ നിന്ന് യുവതി ഓടി രക്ഷപ്പെട്ടു. അശോകൻ യുവതിയുമായി പണമിടപാട് സംബന്ധിച്ച് സംസാരിക്കുന്ന ഫോൺ സംഭാഷണവും പുറത്തുവന്നിട്ടുണ്ട്. മകനെതിരായ കേസിൽ സഹായിക്കാമെന്ന് പറഞ്ഞ് പല തവണകളിലായി 6,70,000 രൂപയാണ് അശോകൻ യുവതിയിൽ നിന്ന് വാങ്ങിയത്. ഈ പണം തിരികെ ചോദിച്ചെത്തിയപ്പോഴാണ് പീഡനശ്രമം ഉണ്ടായതെന്ന് യുവതി പോലീസിന് നൽകിയ മൊഴിയിൽ പറയുന്നു.

തിരുവനന്തപുരം കോർപ്പറേഷനിൽ അട്ടിമറിക്ക് കോൺഗ്രസ്; 48 സ്ഥാനാർത്ഥികളെ ഇന്ന് പ്രഖ്യാപിക്കും

യുവതിയിൽ നിന്ന് പണം തട്ടിയെടുത്തതിനും പീഡിപ്പിക്കാൻ ശ്രമിച്ചതിനും പ്രത്യേക കേസുകളാണ് പോലീസ് രജിസ്റ്റർ ചെയ്തിരിക്കുന്നത്. നാദാപുരം പോലീസ് കേസന്വേഷണം ആരംഭിച്ചിട്ടുണ്ട്. കൂടുതൽ വിവരങ്ങൾ പുറത്തുവരുമെന്ന് പോലീസ് അറിയിച്ചു.

Story Highlights: Congress leader booked for alleged molestation attempt on party worker in Nadapuram.