വക്കാലത്ത് നൽകാത്തതിനെ തുടർന്ന് ഭീഷണി ; അഭിഭാഷക ദമ്പതികൾക്കെതിരെ പരാതി.

വക്കാലത്ത് നൽകാത്തതിനെ തുടർന്ന് അഭിഭാഷക ദമ്പതികൾ ഭീഷണിപ്പെടുത്തിയതായി കുടുംബം പരാതി നൽകി. കോട്ടയം ചങ്ങനാശ്ശേരിയിൽ അപകടത്തിൽ മരണപ്പെട്ട സേതുനാഥിന്റെ കുടുംബമാണ് അഭിഭാഷക ദമ്പതികൾക്കെതിരെ പരാതിയുമായി രംഗത്തെത്തിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പത്തനംതിട്ട സ്വദേശിയായ അഭിഭാഷക ദമ്പതികൾ കുടുംബത്തെ ഫോണിൽ വിളിച്ച് അസഭ്യം പറഞ്ഞതായും പരാതിയിലുണ്ട്. സേതുനാഥ് ജൂലൈ 28ന് ചങ്ങനാശേരി ബൈപ്പാസിൽ ഉണ്ടായ ബൈക്ക് അപകടത്തിലാണ് മരണപ്പെട്ടത്.

സുഹൃത്തിനൊപ്പം യാത്രചെയ്തുകൊണ്ടിരിക്കവെ മത്സരയോട്ടം നടത്തിയ മറ്റൊരു ബൈക്ക് ഇവർ യാത്ര ചെയ്തിരുന്ന ബൈക്കിലേക്ക് ഇടിക്കുകയായിരുന്നു. അപകടത്തിൽ സേതുനാഥും അയാളുടെ സുഹൃത്തും മത്സരയോട്ടം നടത്തിയ ഒരു യുവാവും മരണപ്പെട്ടിരുന്നു.

സംഭവം നടന്ന് ദിവസങ്ങൾക്കുള്ളിൽ പത്തനംതിട്ടയിലുള്ള അഭിഭാഷക ദമ്പതികൾ സേതുനാഥിന്റെ കുടുംബത്തെ ബന്ധപ്പെട്ടിരുന്നു. നഷ്ടപരിഹാരം വാങ്ങി നൽകാമെന്നതായിരുന്നു ഇവരുടെ വാഗ്ദാനം.

എന്നാൽ ഇത് നിരസിച്ചതിനെ തുടർന്ന് അഭിഭാഷകൻ കുടുംബത്തെ ഫോണിൽ വിളിച്ച് അസഭ്യം പറഞ്ഞുവെന്നാണ് ആരോപണം. സംഭവത്തെ തുടർന്ന് പത്തനംതിട്ട കളക്ടറെയും കുടുംബം സമീപിച്ചിട്ടുണ്ട്.

സംസ്ഥാന വികസനത്തിന് കിഫ്ബി സഹായകമായി; മുഖ്യമന്ത്രി പിണറായി വിജയൻ

Story highlight : Complaint against lawyer couple.

എസ്.ആർ.സി കമ്മ്യൂണിറ്റി കോളേജിൽ തൊഴിലധിഷ്ഠിത കോഴ്സുകളിലേക്ക് അപേക്ഷിക്കാം