തമിഴ്നാട്ടിൽ മഴയെ തുടർന്ന് മരണപ്പെട്ടവരുടെ കുടുംബത്തിനു 4 ലക്ഷം രൂപ ധനസഹായം പ്രഖ്യാപിച്ചു.
ഒരാഴ്ച്ചയ്ക്കുള്ളിൽ ധനസഹായം കൈമാറുമെന്നാണ് റവന്യൂ മന്ത്രി കെ കെ എസ് എസ് ആർ രാമചന്ദ്രൻ അറിയിച്ചത്.
ആകെ 14 പേരാണ് തമിഴ്നാട്ടിൽ മഴക്കെടുതിയിൽ മരിച്ചത്.കനത്ത മഴ തുടരുന്ന സാഹചര്യത്തിൽ ചെന്നൈയിലെ കോളജുകൾ അടക്കമുള്ള വിദ്യാഭ്യാസ സ്ഥാപനങ്ങൾക്ക് ഇന്ന് അവധി പ്രഖ്യാപിച്ചു.
ചെന്നൈ, കടലൂർ, നീലഗിരി ജില്ലകളിലെ വിദ്യാഭ്യാസ സ്ഥാപനങ്ങൾക്ക് ഇന്ന് അവധിയാണ്.
ചെന്നൈയിലും സമീപ ജില്ലകളിലും കനത്ത മഴ ശമിച്ചിട്ടുണ്ട്.ഇന്നലെ ഉച്ചയ്ക്ക് ശേഷം നഗരത്തിൽ ശക്തമായ മഴ പെയ്തിട്ടില്ലെങ്കിലും അഞ്ഞൂറിൽ അധികം ഇടങ്ങൾ രൂക്ഷമായ വെള്ളക്കെട്ട് പ്രതിസന്ധിയിൽ തുടരുകയാണ്.
നഗരത്തിലെ പലയിടത്തും വെളളപ്പൊക്കത്തിലാണ്.മഴയുടെ ശക്തി കുറഞ്ഞ സാഹചര്യത്തിൽ ശക്തമായ മഴ മുന്നറിയിപ്പുകൾ കാലാവസ്ഥാ നിരീക്ഷണ കേന്ദ്രം പിൻവലിച്ചിട്ടുണ്ട്.
Story highlight : Compensation to families of rainstorm victims in Tamil Nadu.
