CMRL-Exalogic Case: ED Seeks Probe Under Money Laundering Act

സിഎംആർഎൽ – എക്സാലോജിക് മാസപ്പടി ഇടപാട് കള്ളപ്പണ നിരോധന നിയമത്തിന്റെ പരിധിയിൽ വരുമെന്ന് എൻഫോഴ്സ്മെന്റ് ഡയറക്ടറേറ്റ് (ഇഡി) വിലയിരുത്തുന്നു. കേസിലെ പ്രതികളെ ചോദ്യം ചെയ്യുന്നതിന് ഹൈക്കോടതി സ്റ്റേ നിലവിലുള്ളതിനാൽ നടപടികൾ വൈകും. എസ്എഫ്ഐഒ റിപ്പോർട്ട് പരിശോധിച്ച ശേഷമാണ് ഇഡി ഈ നീക്കം നടത്തുന്നത്. കള്ളപ്പണ നിരോധന നിയമപ്രകാരം കേസെടുക്കാനാണ് ഇഡിയുടെ തീരുമാനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇഡി അസിസ്റ്റന്റ് ഡയറക്ടർ സത്യവീർ സിങ് കുറ്റപത്രത്തിന്റെ പകർപ്പ് കോടതിയിൽ നിന്ന് ഇഡി ആസ്ഥാനത്തേക്ക് എത്തിച്ചിരുന്നു. സിനി ഐആർഎസിന്റെ നേതൃത്വത്തിൽ ഇത് വിശദമായി പരിശോധിച്ചു. ഈ പരിശോധനയിലാണ് ഗുരുതരമായ ക്രമക്കേടുകൾ കണ്ടെത്തിയത്. കഴിഞ്ഞ വർഷം പുറപ്പെടുവിച്ച സ്റ്റേ ഇനിയും നീക്കിയിട്ടില്ല.

സിഎംആർഎൽ – എക്സാലോജിക് സാമ്പത്തിക ഇടപാടിൽ സിബിഐ അന്വേഷണം ആവശ്യപ്പെട്ട് നൽകിയ പൊതുതാല്പര്യ ഹർജി ഹൈക്കോടതി ഇന്ന് പരിഗണിക്കും. മാധ്യമ പ്രവർത്തകനായ എംആർ അജയൻ നൽകിയ ഹർജി ചീഫ് ജസ്റ്റിസ് അധ്യക്ഷനായ ബെഞ്ചാണ് പരിഗണിക്കുന്നത്. സ്റ്റേ നീക്കാൻ ഉടൻ നടപടികൾ ആരംഭിക്കുമെന്ന് ഇഡി വ്യക്തമാക്കി.

മുഖ്യമന്ത്രിക്കും മകൾ വീണ വിജയനും എതിരെ സിബിഐ അന്വേഷണം വേണമെന്ന് ആവശ്യപ്പെട്ട് നൽകിയ ഹർജിയാണ് ഹൈക്കോടതിയുടെ പരിഗണനയിലുള്ളത്. ഇന്ററിം സെറ്റിൽമെന്റ് ബോർഡിലെ രേഖകളുടെ അടിസ്ഥാനത്തിൽ അന്വേഷണം സിബിഐക്ക് വിടണമെന്നാണ് ഹർജിയിലെ ആവശ്യം. സ്റ്റേ നീങ്ങിയാൽ എസ്എഫ്ഐഒ കുറ്റപത്രത്തിലെ പ്രതികൾക്ക് നോട്ടീസ് നൽകും.

ലോക കേഡറ്റ് ചെസ്സിൽ ദിവി ബിജേഷിന് ഇരട്ട മെഡൽ നേട്ടം

സിഎംആർഎൽ, എക്സാലോജിക് കമ്പനികളും ശശിധരൻ കർത്ത ഉൾപ്പടെയുള്ള സിഎംആർഎൽ ഉദ്യോഗസ്ഥരും ഉൾപ്പടെയുള്ളവരാണ് മറ്റ് എതിർകക്ഷികൾ. സിഎംആർഎൽ – എക്സാലോജിക് ഇടപാടിലെ ക്രമക്കേടുകൾ അന്വേഷിക്കണമെന്നാവശ്യപ്പെട്ട് നിരവധി പരാതികളാണ് ലഭിച്ചിട്ടുള്ളത്. ഈ പശ്ചാത്തലത്തിലാണ് ഹൈക്കോടതി ഇന്ന് ഹർജി പരിഗണിക്കുന്നത്.

Story Highlights: The Enforcement Directorate (ED) is assessing the CMRL-Exalogic monthly payment case under the Prevention of Money Laundering Act.

ചാലക്കുടിയിൽ ആംബുലൻസ് അടിച്ചുതകർത്ത കൂട്ടിരിപ്പുകാരൻ പിടിയിൽ