ആറു മാസത്തെ ഇടവേളയ്ക്ക് ശേഷം സംസ്ഥാനത്തെ തീയേറ്ററുകളിൽ ഇന്ന് മുതൽ സിനിമാ പ്രദർശനം ആരംഭിക്കുന്നു.
പ്രദർശനം ആരംഭിച്ചുവെങ്കിലും പകുതി സീറ്റുകളിലേക്ക് മാത്രമേ കാണികളെ അനുവദിക്കുകയുള്ളു.
തിങ്കളാഴ്ച തീയേറ്ററുകൾ തുറന്നുവെങ്കിലും കഴിഞ്ഞ രണ്ട് ദിവസം ശുചീകരണ പ്രവർത്തനങ്ങൾ നടത്തുകയായിരുന്നു.
ജീവനക്കാർക്കുള്ള വാക്സിനേഷൻ പൂർത്തിയായിട്ടുണ്ട്‌.ജെയിംസ് ബോണ്ട് ചിത്രം നോ ടൈം ടു ഡൈ, വെനം 2 എന്നീ സിനിമകളാണ് ഇന്ന് പ്രദർശനത്തിനെത്തുന്നത്.
മറ്റന്നാൾ പ്രദർശനത്തിനെത്തുന്ന ‘സ്റ്റാറാണ്’ ആദ്യം റിലീസ് ചെയ്യുന്ന മലയാള ചിത്രം.
ദുൽഖർ സൽമാൻ നായകനാകുന്ന ചിത്രം ‘കുറുപ്പ് ‘നവംബർ 12ന് റിലീസ് ചെയ്യും.
മുഴുവൻ സീറ്റുകളിലും കാണികൾക്ക് പ്രവേശനം അനുവദിക്കുന്നതുൾപ്പെടെ തീയേറ്റർ ഉടമകൾ മുന്നോട്ട് വച്ച ആവശ്യങ്ങൾ ചർച്ച ചെയ്യുന്നതിനായി മുഖ്യമന്ത്രിയുടെ നേതൃത്വത്തിൽ യോഗം ചെരാൻ സർക്കാർ തീരുമാനമെടുത്തിട്ടുണ്ട്.
Story highlight : Cinema Theater opens today in the state.
