ചിന്നക്കനാലിലെ പ്രശ്നക്കാരനായ കൊമ്പൻ മുറിവാലൻ ചരിഞ്ഞു. കഴിഞ്ഞ ദിവസം ചക്കക്കൊമ്പൻ എന്ന കാട്ടാനയുടെ ആക്രമണത്തിൽ മുറിവാലൻ ഗുരുതരമായി പരിക്കേറ്റ് വീണിരുന്നു. ഒരാഴ്ച മുമ്പ് നടന്ന കൊമ്പുകോർക്കലിലാണ് മുറിവാലന് പരുക്കേറ്റത്. പരുക്കുമായി ഒരാഴ്ചയോളം നടന്ന ശേഷം, കഴിഞ്ഞ ദിവസം രാത്രി അവശനിലയിലായിരുന്നു.
വനം വകുപ്പ് ഉദ്യോഗസ്ഥർ സ്ഥലത്തെത്തി ചികിത്സ നൽകി വരുന്നതിനിടെയാണ് ആന ചരിഞ്ഞത്. പരുക്കിൽ ഇൻഫെക്ഷൻ ഉണ്ടായതാണ് അവസ്ഥ കൂടുതൽ ഗുരുതരമാക്കിയത്. എന്നാൽ ചക്കക്കൊമ്പന് പരുക്കില്ലെന്ന് ദേവികുളം റേഞ്ച് ഓഫീസർ അറിയിച്ചിരുന്നു.
ചിന്നക്കനാലിലെ പ്രശ്നക്കാരായ മൂന്ന് കൊമ്പന്മാരിൽ രണ്ടാമനായിരുന്നു മുറിവാലൻ. അരിക്കൊമ്പനു ശേഷം ചിന്നക്കനാലിൽ ഉണ്ടായിരുന്ന രണ്ട് കൊമ്പന്മാരിൽ ഒരാളായിരുന്നു മുറിവാലൻ, മറ്റേയാൾ ചക്കക്കൊമ്പനും. ഇപ്പോൾ മുറിവാലന്റെ മരണത്തോടെ ചിന്നക്കനാലിലെ പ്രശ്നക്കാരായ കൊമ്പന്മാരുടെ എണ്ണം കുറഞ്ഞിരിക്കുകയാണ്.
Story Highlights: Chinnakanal wild elephant Murivalan died after being attacked by Chakka Komban
