Chandrayaan-4 Launch in 2027

ഇന്ത്യൻ ബഹിരാകാശ ഗവേഷണ സംഘടനയായ ഇസ്രോയുടെ അടുത്ത പ്രധാന ദൗത്യമായ ചന്ദ്രയാൻ-4 2027-ൽ നടപ്പിലാകുമെന്ന് കേന്ദ്രമന്ത്രി ജിതേന്ദ്ര സിങ് പ്രഖ്യാപിച്ചു. ചന്ദ്രനിൽ നിന്ന് മണ്ണും പാറയും ശേഖരിച്ച് ഭൂമിയിലേക്ക് തിരികെ കൊണ്ടുവരുക എന്നതാണ് ഈ ദൗത്യത്തിന്റെ പ്രധാന ലക്ഷ്യം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതിനായി ഇസ്രോയുടെ ഏറ്റവും ശക്തിയേറിയ വിക്ഷേപണ വാഹനമായ എൽ.വി.എം.-3 റോക്കറ്റ് ഉപയോഗിക്കും. രണ്ട് ഘട്ടങ്ങളിലായി ഉപകരണങ്ങൾ ഭ്രമണപഥത്തിലെത്തിക്കുകയും അവിടെ കൂട്ടിയോജിപ്പിക്കുകയും ചെയ്യും.

ഇതിനൊപ്പം, ഇന്ത്യയുടെ മറ്റ് പ്രധാന ബഹിരാകാശ പദ്ധതികളായ സമുദ്രയാനും ഗഗൻയാനും അടുത്ത വർഷം നടപ്പിലാകുമെന്നും മന്ത്രി അറിയിച്ചു.

സമുദ്രോപരിതലത്തിൽ നിന്ന് 6000 മീറ്റർ താഴ്ചയിലേക്ക് മനുഷ്യരെ എത്തിക്കുന്ന സമുദ്രയാൻ ദൗത്യവും, ബഹിരാകാശ യാത്രികരെ ഭ്രമണപഥത്തിലെത്തിക്കുകയും തിരികെ സുരക്ഷിതമായി ഭൂമിയിലെത്തിക്കുകയും ചെയ്യുന്ന ഗഗൻയാൻ ദൗത്യവും ഇന്ത്യയുടെ ബഹിരാകാശ പര്യവേഷണത്തിന് പുതിയ മാനങ്ങൾ ചേർക്കും.

ഗഗൻയാൻ ദൗത്യത്തിന് മുന്നോടിയായി ‘വ്യോമമിത്ര’ എന്ന റോബോട്ടിനെ ബഹിരാകാശത്തേക്ക് അയച്ച് തിരിച്ചെത്തിക്കുമെന്നും മന്ത്രി വ്യക്തമാക്കി.

ആര്യനാട്: 14 വയസ്സുകാരിയെ പീഡിപ്പിച്ച് ഗർഭിണിയാക്കിയ മധ്യവയസ്കൻ അറസ്റ്റിൽ

ഇതിനൊപ്പം, ശ്രീഹരിക്കോട്ടയിൽ വലിയ റോക്കറ്റുകൾക്കായി പുതിയ വിക്ഷേപണത്തറ സജ്ജമാക്കുമെന്നും, ഭാരം കുറഞ്ഞ ഉപഗ്രഹങ്ങൾ വിക്ഷേപിക്കാനായി തമിഴ്നാട്ടിലെ തൂത്തുക്കുടിയിൽ വിക്ഷേപണ കേന്ദ്രം സ്ഥാപിക്കുമെന്നും കേന്ദ്രമന്ത്രി അറിയിച്ചു.

ഇന്ത്യയുടെ ബഹിരാകാശ പദ്ധതികൾക്ക് ഈ പുതിയ തിരിവുകൾ വലിയ മുന്നേറ്റമാണെന്ന് പ്രതീക്ഷിക്കുന്നു. ചന്ദ്രയാൻ-4, സമുദ്രയാൻ, ഗഗൻയാൻ എന്നിവയിലൂടെ ഇന്ത്യൻ ബഹിരാകാശ ഗവേഷണം പുതിയ ഉയരങ്ങളിലേക്ക് എത്തുമെന്ന് കരുതുന്നു.

ശുഭാംശു ശുക്ലയുടെ ബഹിരാകാശ യാത്ര വീണ്ടും മാറ്റി; പുതിയ തീയതി പ്രഖ്യാപിച്ചു