Mannar Kala Missing Case: Murder Confirmed, Suspects in Custody

മാന്നാർ കല തിരോധാന കേസിൽ പുതിയ വെളിപ്പെടുത്തലുകൾ. കലയെ കൊലപ്പെടുത്തി കുഴിച്ചുമൂടിയെന്ന നിഗമനത്തിൽ പൊലീസ് അന്വേഷണം മുന്നോട്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കസ്റ്റഡിയിലെടുത്ത നാലുപേർ നൽകിയ മൊഴിയിൽ, കലയെ തുണി കഴുത്തിൽ മുറുക്കി കൊലപ്പെടുത്തിയതായി വ്യക്തമാക്കി. പതിനഞ്ച് വർഷങ്ങൾക്ക് മുമ്പ് നടന്ന സംഭവത്തിൽ, കല കാണാതായി രണ്ട് മാസത്തിനുള്ളിൽ ഭർത്താവ് അനിൽകുമാർ മറ്റൊരു വിവാഹം കഴിച്ചിരുന്നു.

കൊലപാതകത്തെക്കുറിച്ച് അനിൽകുമാറിന്റെ ബന്ധുക്കൾക്ക് അറിവുണ്ടായിരുന്നതായി പൊലീസ് കണ്ടെത്തി. കലയുടെ മൃതദേഹം മാന്നാറിലെ വീടിന്റെ സെപ്റ്റിക് ടാങ്കിൽ മറവുചെയ്തതായി കസ്റ്റഡിയിലുള്ളവർ വെളിപ്പെടുത്തി.

അനിൽകുമാറിന്റെ അച്ഛന്റെ സഹോദരന്റെ മക്കളാണ് കസ്റ്റഡിയിലുള്ളവർ. മൃതദേഹം കാറിൽ കൊണ്ടുവന്നത് കണ്ടതായും മറവുചെയ്യാൻ സഹായിച്ചതായും അവർ സമ്മതിച്ചു.

നിലവിൽ ഇസ്രായേലിലുള്ള അനിൽകുമാറിനെ നാട്ടിലെത്തിക്കാനുള്ള നടപടികൾ ആരംഭിച്ചിട്ടുണ്ട്. സെപ്റ്റിക് ടാങ്ക് പൊളിച്ച് പരിശോധന നടത്തുന്നതിനൊപ്പം കേസിൽ കൂടുതൽ തെളിവുകൾ ശേഖരിക്കാനുള്ള ശ്രമങ്ങൾ തുടരുകയാണ്.

അബുദാബി കിരീടാവകാശിയുമായി മുഖ്യമന്ത്രിയുടെ കൂടിക്കാഴ്ച; കേരളത്തിലേക്ക് കൂടുതൽ നിക്ഷേപങ്ങൾ

പി.എം ശ്രീ: സി.പി.ഐ.എമ്മിനെതിരെ പോളിറ്റ് ബ്യൂറോയില് വിമര്ശനം; ജനറല് സെക്രട്ടറിയെപ്പോലും അറിയിച്ചില്ലെന്ന് അംഗങ്ങള്