ഝാർഖണ്ഡിലെ ഈസ്റ്റ് സിംഗ്ഭും ജില്ലയിൽ ബി.ജെ.പി യുവനേതാവിനെ കുത്തി കൊലപ്പെടുത്തി.സംഭവത്തിൽ ഭാരതീയ ജനതാ യുവമോർച്ച (ബിജെവൈഎം) ജില്ലാ ജനറൽ സെക്രട്ടറി സൂരജ് കുമാർ സിംഗ് (26) ആണ് കൊല്ലപ്പെട്ടത്.
കുത്തേറ്റ സൂരജ് ഝാർഖണ്ഡിലെ ടാറ്റ മെയിൻ ആശുപത്രിയിൽ ചികിത്സയിൽ കഴിയുകയായിരുന്നു.തുടർന്ന് ചൊവ്വാഴ്ച വീട്ടിലേക്ക് മടങ്ങവെയാണ് സൂരജിന് കുത്തേറ്റത്.ബാഗ്‌ബെര സ്റ്റേഷൻ പരിധിയിലെ ഹർഹർഗുട്ടിൽ വെച്ച് പ്രതി സോനുവും കൂട്ടാളികളും ചേർന്ന് സിംഗിനെ കുത്തി കൊലപ്പെടുത്തുകയായിരുന്നുവെന്നാണ് പൊലീസ് പറയുന്നത്.
സൂരജും സോനുവും ഭൂമിയെച്ചൊല്ലി തർക്കത്തിൽ ഏർപ്പെട്ടിരുന്നു. ഇതേതുടർന്ന് സോനുവിനെയും പ്രായപൂർത്തിയാകാത്ത ഒരാളുൾപ്പെടെ മറ്റ് രണ്ട് പേരെയും പോലീസ് അറസ്റ്റ് ചെയ്തിരുന്നു. ബിജെവൈഎം ജില്ലാ ജനറൽ സെക്രട്ടറിയായി സ്ഥാനമേറ്റത് മുതൽ സൂരജ് പ്രശ്‌നങ്ങൾ ഉണ്ടാക്കുന്നതായി ചോദ്യം ചെയ്യലിൽ പ്രതി മൊഴി നൽകിയതായി ഉദ്യോഗസ്ഥർ പറയുന്നു.
Story highlight : BJP youth leader stabbed to death in Jharkhand.
