മേഘാലയിലെ ബിജെപി മന്ത്രിയാണ് ജനങ്ങളോട് കൂടുതൽ ബീഫ് കഴിക്കാൻ ആവശ്യപെട്ടത്. ഇന്ത്യ ജനാധിപത്യ രാജ്യമാണെന്നും ജനങ്ങൾക്ക് ഇഷ്ടമുള്ളത് കഴിക്കാൻ അവകാശമുണ്ടെന്നും ബിജെപി മന്ത്രി സാൻബോർ ഷുലൈ പറഞ്ഞു.
കോഴിയിറച്ചി,ആട്ടിറച്ചി, മത്സ്യം തുടങ്ങിയവയേക്കാൾ ബീഫ് കഴിക്കാൻ ജനങ്ങളോട് മന്ത്രി ആവശ്യപ്പെട്ടു. മേഘാലയിലെ മൃഗസംരക്ഷണ മന്ത്രിയായി കഴിഞ്ഞ ദിവസമാണ് അദ്ദേഹം ചുമതലയേറ്റത്. മേഘാലയ- അസം അതിർത്തിയിലെ തർക്കത്തെ കുറിച്ചും മന്ത്രിയുടെ പരാമർശമുണ്ടായി.
അക്രമത്തെ പ്രോത്സാഹിപ്പിക്കുകയല്ലെന്നും ജനങ്ങളെ സംരക്ഷിക്കുകയാണ് ചെയ്യുന്നതെന്നും മന്ത്രി പറഞ്ഞു. വീട്ടിലെത്തി കൊള്ളയടിക്കാനും ആക്രമിക്കാനും ആരെങ്കിലും ശ്രമിച്ചാൽ നമ്മൾ സ്വയം പ്രതിരോധിക്കുന്നത് പോലെയാണ് അതിർത്തിയിലും നടക്കുന്നതെന്നും അക്രമം അഴിച്ചുവിടുകയല്ലെന്നും അദ്ദേഹം വ്യക്തമാക്കി.
Story Highlights: BJP Minister encourages people to eat beef.
