ബിഹാർ പിപരി ബഹിയാർ പ്രൈമറി സ്കൂൾ പ്രധാനാധ്യാപകനാണ് 12 വയസ്സുകാരിയോട് അപമര്യാദയായി പെരുമാറിയത്. തുടർന്ന് ഇയാൾക്കെതിരെ പോക്സോ കുറ്റം ചുമത്തി അറസ്റ്റ് ചെയ്യുകയായിരുന്നു.
പ്രതി പന്ത്രണ്ട് വയസ്സുകാരിയുടെ കവിളിൽ കടിച്ചതിനെ തുടർന്ന് കുട്ടി ഉറക്കെ നിലവിളിച്ചു. തുടർന്ന് നാട്ടുകാർ ഓടിയെത്തുകയായിരുന്നു. നാട്ടുകാർ ചേർന്ന് ഇയാളെ മർദ്ദിച്ചതിനുശേഷം മുറിയിൽ പൂട്ടിയിട്ടു.
തുടർന്ന് പോലീസ് സ്ഥലത്തെത്തുകയും ഇയാളെ സ്റ്റേഷനിലേക്ക് കൊണ്ടുപോവുകയും ചെയ്തു. കൊണ്ടുപോകുന്നതിനിടയിലും പ്രതിയെ നാട്ടുകാർ മർദ്ദിക്കാൻ ശ്രമമുണ്ടായി. ഏറെ പാടുപെട്ട് ആൾക്കൂട്ടത്തെ നിയന്ത്രിച്ചതിനു ശേഷമാണ് പ്രതിയെ പോലീസ് സ്റ്റേഷനിൽ എത്തിച്ചത്.
അതേസമയം സ്കൂളിൽ ഇത് ആദ്യത്തെ സംഭവമല്ലെന്നും മുൻപും ഇത്തരത്തിൽ സംഭവങ്ങൾ നടന്നിട്ടുണ്ടെന്നും പോലീസ് നടപടി എടുത്തിട്ടില്ലെന്നും നാട്ടുകാർ അറിയിച്ചു.
Story Highlights: Bihar School Headmaster arrested in Pocso Case.
