Tejashwi Yadav's defeat in Bihar elections: Key reasons and analysis

പട്ന◾: ബിഹാർ തിരഞ്ഞെടുപ്പിൽ തേജസ്വി യാദവിൻ്റെ പ്രകടനം നിരാശാജനകമായിരുന്നു. നിതീഷ് കുമാറിൻ്റെ ഭരണത്തിനെതിരെയുള്ള വികാരം വോട്ടാക്കാൻ അദ്ദേഹത്തിന് സാധിക്കാതെ പോയതിൻ്റെ കാരണങ്ങൾ പലതാണ്. 2020-ലെ തിരഞ്ഞെടുപ്പുമായി താരതമ്യം ചെയ്യുമ്പോൾ ഇത്തവണത്തെ പ്രകടനം വളരെ മോശമായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തെരഞ്ഞെടുപ്പ് പ്രസ്താവനയെ “തേജസ്വിയുടെ വാഗ്ദാനം” എന്ന് പേരിട്ട് അവതരിപ്പിച്ചത് സഖ്യകക്ഷികൾക്കിടയിൽ അതൃപ്തി ഉണ്ടാക്കി. സഖ്യകക്ഷികളെ പരിഗണിക്കാത്ത തേജസ്വിയുടെ ഏകപക്ഷീയമായ നേതൃത്വ ശൈലി മുന്നണിയിൽ വലിയ പിളർപ്പ് ഉണ്ടാക്കി. ഈ സാഹചര്യത്തിൽ, എന്തുകൊണ്ടാണ് നിതീഷ് കുമാറിൻ്റെ 20 വർഷത്തെ ഭരണത്തിനെതിരെയുള്ള വികാരം വോട്ടാക്കാൻ തേജസ്വി യാദവിന് കഴിയാഞ്ഞതെന്ന് പരിശോധിക്കാം.

ഓരോ കുടുംബത്തിനും ഒരു സർക്കാർ ജോലി, പെൻഷൻ പദ്ധതികൾ, മദ്യനിരോധന നിയമപരിശോധന തുടങ്ങിയ വാഗ്ദാനങ്ങൾ തേജസ്വി യാദവ് നൽകി. എന്നാൽ ഇവ നടപ്പാക്കുന്നതിനുള്ള വ്യക്തമായ പദ്ധതികൾ ഇല്ലാതിരുന്നത് ജനങ്ങളുടെ വിശ്വാസം തകർത്തു. ലാലുപ്രസാദിൻ്റെ ‘ജംഗിൾ രാജ്’ ഓർമ്മിപ്പിച്ച് നരേന്ദ്രമോദി നടത്തിയ പ്രചാരണം തേജസ്വിക്ക് എതിരായ വികാരമായി മാറി.

144 സ്ഥാനാർത്ഥികളിൽ 52 പേരെ യാദവ് വിഭാഗത്തിൽ നിന്ന് തിരഞ്ഞെടുത്തത് ആർജെഡിയുടെ പ്രധാന തെറ്റായി വിലയിരുത്തപ്പെടുന്നു. സംസ്ഥാനത്തെ ജനസംഖ്യയുടെ ഏകദേശം 14 ശതമാനം വരുന്ന യാദവ് വോട്ടർമാരെ ലക്ഷ്യമിട്ടുള്ള ഈ നീക്കം, ആർജെഡിയുടെ ‘ജാതി രാഷ്ട്രീയം’ എന്ന പഴയ പ്രതിച്ഛായയെ കൂടുതൽ ശക്തമാക്കി. ഇത് ഒരു വലിയ വിഭാഗം വോട്ടർമാരെ പാർട്ടിയിൽ നിന്ന് അകറ്റാൻ കാരണമായി.

കൂടാതെ സീറ്റ് വിഭജനം മുതൽ പ്രചാരണത്തിന്റെ എല്ലാ ഘട്ടങ്ങളിലും ആർജെഡിക്ക് മുൻഗണന നൽകിയത് സഖ്യത്തിനുള്ളിൽ അതൃപ്തിക്ക് കാരണമായി. തേജസ്വി യാദവ് കോൺഗ്രസിനെയും ഇടതുപാർട്ടികളെയും മറ്റ് സഖ്യകക്ഷികളെയും തുല്യ പങ്കാളികളായി പരിഗണിച്ചില്ല. രാഹുൽ ഗാന്ധി അടക്കമുള്ള നേതാക്കളുടെ ചിത്രങ്ങൾക്ക് പോസ്റ്ററുകളിൽ കുറഞ്ഞ പ്രാധാന്യം നൽകിയത് സഖ്യകക്ഷികൾക്കിടയിൽ അതൃപ്തിയുണ്ടാക്കി.

തേജസ്വി യാദവിന്റെ വാഗ്ദാനം: ബിഹാറിൽ മഹാസഖ്യവും ബിജെപിയും തമ്മിൽ വാക്പോര്

അതേസമയം, അഴിമതി വിരുദ്ധ പ്രതിച്ഛായയും സ്ത്രീ വോട്ടർമാരുടെ സ്വീകാര്യതയും നിതീഷ് കുമാറിനുണ്ടായിരുന്നത് അദ്ദേഹത്തിന് ഗുണകരമായി. ജാതി രാഷ്ട്രീയത്തെ കൈകാര്യം ചെയ്യുന്നതിലെ കൗശലവും അദ്ദേഹത്തിന്റെ സ്വീകാര്യതക്ക് കാരണമായി. കഴിഞ്ഞ ലോക്സഭാ തിരഞ്ഞെടുപ്പ് കാലം മുതലാണ് നിതീഷ് കുമാർ മഹാസഖ്യവുമായുള്ള ബന്ധം അവസാനിപ്പിച്ച് എൻഡിഎയിൽ എത്തിയത്.

ഹാട്രിക് വിജയം ലക്ഷ്യമിട്ട് ഇറങ്ങിയ തേജസ്വിക്ക് ഇത്തവണ പിഴച്ചു. ആർജെഡിയുടെ ശക്തികേന്ദ്രമായ രാഘോപുരിൽ തേജസ്വി യാദവ് 3000-ൽ അധികം വോട്ടുകൾക്ക് പിന്നിലാണ്. ബിജെപി സ്ഥാനാർത്ഥി സതീഷ് കുമാറാണ് ഇവിടെ മുന്നിട്ട് നിൽക്കുന്നത്. ലാലു കുടുംബത്തിന്റെ ശക്തികേന്ദ്രമാണ് രാഘോപുർ.

ഉയർത്തിയ വിഷയങ്ങളും പ്രകടനപത്രികയിലെ വാഗ്ദാനങ്ങളും കാലികമായിരുന്നില്ല. തേജസ്വിയെ മുഖ്യമന്ത്രി സ്ഥാനാർത്ഥിയായും 11 ശതമാനം വരുന്ന മുസ്ലിം വിഭാഗത്തെ പരിഗണിക്കാതെ മുകേഷ് സാഹ്നിയെ ഉപമുഖ്യമന്ത്രി സ്ഥാനാർത്ഥിയായും ഉയർത്തിക്കാട്ടിയതും തിരിച്ചടിയായി. വഖഫ് ബിൽ നടപ്പാക്കില്ലെന്ന തേജസ്വിയുടെ വാഗ്ദാനം ബിജെപി മുതലെടുത്തു. ലാലു പ്രസാദ് യാദവിൻ്റെ പഴയ പ്രസംഗങ്ങൾ വ്യാപകമായി പ്രചരിപ്പിച്ചു.

സഖ്യത്തിനുള്ളിലെ ഈ അസ്ഥിരത മുതലെടുത്ത് എൻഡിഎ ഐക്യവും ശക്തവുമായ മുന്നണിയായി വോട്ടർമാർക്ക് മുന്നിലെത്തി. യുവാക്കളെ കയ്യിലെടുക്കാൻ ലാലുപ്രസാദ് യാദവിന് കഴിഞ്ഞില്ല. ലാലു പ്രസാദ് യാദവിൻ്റെ മകനായിട്ടും അത് മുതലെടുക്കാൻ അദ്ദേഹത്തിന് സാധിച്ചില്ല.

ബിഹാർ നിയമസഭാ തിരഞ്ഞെടുപ്പ്: ആദ്യഘട്ട വോട്ടെടുപ്പ് ആരംഭിച്ചു

Story Highlights: Reasons for Tejashwi Yadav’s defeat in Bihar elections

ബീഹാറിൽ ഇടത് പക്ഷത്തിന് തിരിച്ചടി; നേടാനായത് കുറഞ്ഞ സീറ്റുകൾ മാത്രം