ബെംഗളൂരുവിൽ യുവതിയെ കൊലപ്പെടുത്തി മൃതദേഹം 59 കഷണങ്ങളാക്കി ഫ്രിഡ്ജിൽ സൂക്ഷിച്ച കേസിൽ നിർണായക വഴിത്തിരിവ്. മുഖ്യപ്രതി മുക്തി രഞ്ജനെ ഒഡിഷയിലെ ഭദ്രക് ജില്ലയിൽ വീടിനടുത്തുള്ള മരത്തിൽ തൂങ്ങിമരിച്ച നിലയിൽ കണ്ടെത്തി. ആത്മഹത്യയ്ക്ക് മുമ്പ് മഹാലക്ഷ്മിയെ കൊന്ന വിവരം പ്രതി തന്റെ അമ്മയോട് വെളിപ്പെടുത്തിയിരുന്നു. പ്രതിയുടെ ഡയറിയും പൊലീസ് കണ്ടെടുത്തു.
മഹാലക്ഷ്മിയെ കൊലപ്പെടുത്തിയ സെപ്റ്റംബർ മൂന്നിന് തന്നെയാണ് പ്രതി ഡയറി എഴുതി തുടങ്ങിയത്. ഒഡീഷയിലും ഇംഗ്ലീഷിലുമായി എഴുതിയ ഡയറിയിൽ, മഹാലക്ഷ്മിയെ ഇഷ്ടമായിരുന്നെന്നും എന്നാൽ അവർ തന്നെ സാമ്പത്തികമായി ചൂഷണം ചെയ്തെന്നും പ്രതി കുറിച്ചിട്ടുണ്ട്. യുവതി തന്നെ കൊല്ലാൻ നോക്കിയതുകൊണ്ടാണ് കൊല നടത്തേണ്ടി വന്നതെന്നും ഡയറിയിൽ പറയുന്നു. കൊലപാതകത്തിനു പിന്നാലെ ജീവനൊടുക്കാൻ തീരുമാനിച്ചിരുന്നെങ്കിലും അവസരം ലഭിച്ചില്ലെന്നും പ്രതി വ്യക്തമാക്കി.
മഹാലക്ഷ്മിയുടെ സഹപ്രവർത്തകനും സുഹൃത്തുമായിരുന്നു മുക്തി രഞ്ജൻ. ഇരുവരും തമ്മിലുള്ള തർക്കത്തിനൊടുവിലാണ് കൊലപാതകം നടന്നത്. കറിക്കത്തികൊണ്ട് മൃതദേഹം 59 കഷ്ണമാക്കിയ ശേഷം ഫ്രിഡ്ജിൽ സൂക്ഷിച്ചു. മഹാലക്ഷ്മിക്കു വേണ്ടി എട്ട് ലക്ഷത്തോളം രൂപ ചെലവാക്കിയെന്നും അവൾ തന്നെ ബ്ലാക്ക്മെയിൽ ചെയ്യുകയാണെന്നും പ്രതി ആരോപിച്ചു. കൊലപാതകത്തിന് ശേഷം രണ്ട് വർഷത്തിനു ശേഷമാണ് മുക്തി രഞ്ജൻ തന്റെ നാടായ ഒഡിഷയിലേക്ക് മടങ്ങിയെത്തിയത്. പൊലീസ് നാല് സംഘങ്ങളായി തിരിഞ്ഞ് അന്വേഷണം നടത്തിയിരുന്നു. മൊബൈൽ ഫോൺ വിവരങ്ങളുടെ അടിസ്ഥാനത്തിൽ പ്രതിയെ കണ്ടെത്തിയെങ്കിലും അപ്പോഴേക്കും അയാൾ ആത്മഹത്യ ചെയ്തിരുന്നു.
Story Highlights: Bengaluru murder case: Accused Mukti Ranjan Roy confesses to killing Mahalakshmi, commits suicide in Odisha
