കൊല്ലം : യാത്രാക്കൂലിയെ ചൊല്ലിയുള്ള തർക്കത്തിനിടെ ഓട്ടോറിക്ഷ ഡ്രൈവർക്ക് ക്രൂരമർദനം. കൊല്ലം അഞ്ചാലുംമൂട് സ്വദേശിയായ ഓട്ടോറിക്ഷ ഡ്രൈവർ അനിൽ കുമാറാണ് മർദനത്തിനിരയായത്.
സംഭവത്തിൽ അനിൽ കുമാറിന്‍റെ പരാതിയിയെ തുടർന്ന് തൃക്കരുവ സ്വദേശി ബേബി,പ്രദീപ് എന്നിവർക്കെതിരെ പൊലീസ് കേസെടുത്തു.ശനിയാഴ്ച അഞ്ചാലുംമൂട്ടിൽ വച്ചായിരുന്നു സംഭവം നടന്നത്.
വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here
കാഞ്ഞിരം കുഴിയിലേക്ക് പോകാനായി പ്രതിയായ ബേബി, അനിൽ കുമാറിന്‍റെ ഓട്ടോയിൽ കയറുകയും തിരിച്ച് അഞ്ചാലുംമൂട്ടിലെത്തിയപ്പോൾ അനിൽ കുമാർ ഓട്ടോക്കൂലിയായി 50 രൂപ ആവശ്യപ്പെടുകയുമായിരുന്നു.
എന്നാൽ ബേബി കൂലി നൽകാൻ തയ്യാറാകാത്തതിനെ തുടർന്നുണ്ടായ തർക്കത്തിനിടെ അനിൽ കുമാറിനെ മർദിക്കുകയായിരുന്നു.കൂടാതെ പ്രദീപ് കത്തി കാട്ടി ഭീഷണിപ്പെടുത്തുകയും ചെയ്തു.
Story highlight : Autorickshaw driver attacked in Kollam.
