Dalit woman attacked in Cherthala, police inaction sparks outrage

ചേർത്തലയിൽ പട്ടാപ്പകൽ ദളിത് യുവതിക്ക് നേരേ ക്രൂരമായ ആക്രമണം നടന്നു. തൈക്കാട്ടുശേരി സ്വദേശിയായ 19 വയസ്സുകാരി നിലാവിനാണ് മർദ്ദനമേറ്റത്. സിപിഐഎം പ്രവർത്തകനായ പൂച്ചാക്കൽ സ്വദേശി ഷൈജുവും സഹോദരനും സുഹൃത്തുക്കളും ചേർന്നാണ് ആക്രമണം നടത്തിയതെന്ന് യുവതി ആരോപിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ന് രാവിലെ 11 മണിക്ക് തൈക്കാട്ടുശേരി-ചേർത്തല റോഡിൽ വച്ചാണ് സംഭവം നടന്നത്. ഇന്നലെ രാത്രി ഏഴ് മണിക്ക് നിലാവിന്റെ സഹോദരങ്ങളെ ആക്രമിച്ചതിന് പിന്നാലെയാണ് ഈ സംഭവം. രണ്ട് കൂട്ടരും ഇന്ന് രാവിലെ പൂച്ചാക്കൽ പൊലീസ് സ്റ്റേഷനിൽ പരാതി നൽകിയിരുന്നു.

തിരികെ മടങ്ങിപ്പോകുന്നതിനിടെയാണ് നിലാവിന്റെ സഹോദരങ്ങളെ ആക്രമിച്ചത്. ഇത് തടയാനെത്തിയ നിലാവിനെയും ഇവർ ക്രൂരമായി മർദിച്ചു. സംഭവത്തിന്റെ ദൃശ്യങ്ങൾ പുറത്തുവന്നിട്ടും പൊലീസ് കേസെടുത്തിട്ടില്ല.

രേഖാമൂലം പരാതി നൽകിയിട്ടും നടപടി ഉണ്ടായില്ല. എന്നാൽ വാർത്ത ശ്രദ്ധയിൽപ്പെട്ട ജില്ലാ പൊലീസ് മേധാവി ചേർത്തല ഡിവൈഎസ്പിയോട് സംഭവത്തെക്കുറിച്ച് റിപ്പോർട്ട് തേടിയിട്ടുണ്ട്. ഈ സംഭവം വലിയ വിവാദമായി മാറിയിരിക്കുകയാണ്.

ചിങ്ങം ഒന്നിന് മോഹൻലാലിന് സമ്മാനവുമായി മന്ത്രി പി.എ. മുഹമ്മദ് റിയാസ്; ചിത്രം വൈറൽ

ചേർത്തല തിരോധാനക്കേസിൽ വഴിത്തിരിവ്; ബിന്ദുവിനെ കൊലപ്പെടുത്തിയത് സെബാസ്റ്റ്യനും ഫ്രാങ്ക്ളിനുമെന്ന് അയൽവാസി