മധുരയിലെ ഒത്തക്കടയിൽ ഫോട്ടോസ്റ്റാറ്റ് കടയിൽ ജോലി ചെയ്യുന്ന ലാവണ്യ എന്ന യുവതിയെ സിദ്ദിഖ് രാജ (25) എന്ന യുവാവ് അതിക്രൂരമായി മർദിച്ചതായി പരാതി. പ്രണയബന്ധം നിരസിച്ചതിനെത്തുടർന്നാണ് ഈ സംഭവം ഉണ്ടായത്. യുവാവ് തുടർച്ചയായി മർദിക്കുകയും യുവതി അവശയായി താഴെ വീണപ്പോൾ ചവിട്ടുകയും ചെയ്തു. സമീപത്തുണ്ടായിരുന്നവർ ചേർന്ന് സിദ്ദിഖ് രാജയെ പിടിച്ചുമാറ്റി. ആക്രമണത്തെത്തുടർന്ന് അബോധാവസ്ഥയിലായ യുവതിയെ സമീപത്തുള്ള സ്വകാര്യ ആശുപത്രിയിൽ പ്രവേശിപ്പിച്ചു. സംഭവത്തിൻ്റെ വീഡിയോ സാമൂഹ്യമാധ്യമങ്ങളിൽ വ്യാപകമായി പ്രചരിക്കുന്നുണ്ട്. പൊലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
അതേസമയം, ആന്ധ്ര പ്രദേശില്‍ നിയമവിദ്യാര്‍ഥിനിയെ കാമുകനും സുഹൃത്തുക്കളും ചേര്‍ന്ന് കൂട്ടബലാത്സംഗം ചെയ്‌തെന്ന് പരാതി. ഈ വര്‍ഷം ഓഗസ്റ്റിലാണ് സംഭവമുണ്ടായത്. വിദ്യാര്‍ഥിനിയുടെ കുടുംബം പരാതി നല്‍കിയതിനെ തുടര്‍ന്ന് മുഴുവന്‍ പ്രതികളെയും പൊലീസ് അറസ്റ്റ് ചെയ്തു. വിദ്യാര്‍ഥിനിയും കാമുകനും തമ്മിലുള്ള സ്വകാര്യ ദൃശ്യങ്ങള്‍ കാണിച്ച് ഭീഷണിപ്പെടുത്തുകയും, യുവതിയെ ബലാത്സംഗം ചെയ്യുകയുമായിരുന്നു.
സംഭവത്തെ കുറിച്ച് പെൺകുട്ടി പുറത്ത് പറഞ്ഞിരുന്നില്ല. എന്നാൽ, ഇതിലുള്ള മനോവിഷമത്തില്‍ ആത്മഹത്യക്ക് ശ്രമിച്ചു. സംഭവം ശ്രദ്ധയില്‍പ്പെട്ട പെൺകുട്ടിയുടെ പിതാവ് ഇത് തടയുകയും പൊലീസിൽ പരാതി നൽകുകയും ചെയ്തു. പെണ്‍കുട്ടിയുടെ കാമുകനായ വംശി എന്നയാളും മൂന്ന് സുഹൃത്തുക്കളും ചേർന്നാണ് പെൺകുട്ടിയെ പീഡിപ്പിച്ചത് എന്നതായിരുന്നു പരാതി. ഇവരെ പൊലീസ് അറസ്റ്റ് ചെയ്തു.
Story Highlights: Woman brutally assaulted in Madurai for rejecting relationship, law student gang-raped in Andhra Pradesh
