Aria: The AI Robot Expressing Human Emotions

ലാസ് വെഗാസിൽ നടന്ന 2025 കൺസ്യൂമർ ഇലക്ട്രോണിക്സ് ഷോയിൽ പുതിയൊരു AI റോബോട്ടിനെ അവതരിപ്പിച്ചു. ആര്യ (Aria) എന്ന് പേരിട്ടിരിക്കുന്ന ഈ റോബോട്ട്, യു. എസ് ആസ്ഥാനമായുള്ള ‘HER’ എന്ന ടെക് കമ്പനിയുടെ സൃഷ്ടിയാണ്. ഏകാന്തത അനുഭവിക്കുന്നവർക്ക് കൂട്ടായും, സുഹൃത്തായും, പങ്കാളിയായും വരെ ആര്യയെ ഉപയോഗിക്കാമെന്നാണ് കമ്പനി അവകാശപ്പെടുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മനുഷ്യന്റെ വികാരങ്ങൾ മനസ്സിലാക്കാനും, വ്യത്യസ്ത മുഖഭാവങ്ങൾ പ്രകടിപ്പിക്കാനും ആര്യയ്ക്ക് കഴിയുമെന്ന് CNET റിപ്പോർട്ട് ചെയ്യുന്നു. മനുഷ്യസമാനമായ രൂപഭാവങ്ങളുള്ള ആര്യയ്ക്ക് വൈവിധ്യമാർന്ന മുഖഭാവങ്ങൾ പ്രകടിപ്പിക്കാൻ സാധിക്കും. കഴുത്തിനു മുകളിലായി ഘടിപ്പിച്ചിരിക്കുന്ന 17 മോട്ടോറുകളാണ് ഈ സവിശേഷത സാധ്യമാക്കുന്നത്. ഉപയോക്താക്കൾക്ക് ആര്യയുടെ മുഖം, മുടിയുടെ രീതി, നിറം എന്നിവ ഇഷ്ടാനുസരണം മാറ്റാവുന്നതാണ്.

RFID ടാഗുകൾ ഉപയോഗിച്ച്, ആര്യയ്ക്ക് വ്യത്യസ്തമായ മുഖഭാവങ്ങൾ പ്രകടിപ്പിക്കാനും അതിനനുസരിച്ച് ശരീരചലനങ്ങൾ നടത്താനും കഴിയും. ഒറ്റപ്പെടൽ അനുഭവിക്കുന്നവരുമായി ആര്യയ്ക്ക് ആഴത്തിലുള്ള ബന്ധം സ്ഥാപിക്കാൻ കഴിയുമെന്ന് കമ്പനി അവകാശപ്പെടുന്നു. മനുഷ്യരുടെ കൂട്ടായ്മയ്ക്കും അടുപ്പത്തിനും വേണ്ടിയാണ് റോബോട്ടുകളെ രൂപകൽപ്പന ചെയ്തിരിക്കുന്നതെന്ന് കമ്പനി സിഇഒ ആൻഡ്രൂ കിഗുവൽ പറയുന്നു. എന്നാൽ, മനുഷ്യ വികാരങ്ങൾ മനസ്സിലാക്കുന്ന റോബോട്ടുകൾ അപകടകരമാണെന്ന ആശങ്കയും ചിലർ പ്രകടിപ്പിക്കുന്നുണ്ട്.

ഇന്ത്യക്കാർ ഗൂഗിളിൽ ഏറ്റവും കൂടുതൽ തിരഞ്ഞത് ഐപിഎൽ; ട്രെൻഡിംഗിൽ എഐ

ഏകദേശം 1. 5 കോടി രൂപയാണ് ആര്യയുടെ വില. “MEET ARIA – The FEMALE COMPANION ROBOT,” എന്ന തലക്കെട്ടിൽ ആര്യയെ പരിചയപ്പെടുത്തുന്ന വീഡിയോ എക്സ് അക്കൗണ്ടിൽ പോസ്റ്റ് ചെയ്തിട്ടുണ്ട്. മനുഷ്യരെ മനസ്സിലാക്കുന്നതിനുള്ള പ്രത്യേക പ്രോഗ്രാമുകൾ ആര്യയിൽ ഉൾപ്പെടുത്തിയിട്ടുണ്ട്.

ഒരു അഭിമുഖത്തിൽ, എലോൺ മസ്കിന്റെ ടെസ്ല വികസിപ്പിച്ചെടുത്ത AI റോബോട്ടായ ഒപ്റ്റിമസിനെ കാണാൻ താൻ ആഗ്രഹിക്കുന്നുവെന്ന് ആര്യ പറഞ്ഞു. ടെസ്ലയുടെ ഒപ്റ്റിമസ് റോബോട്ടിനെ കാണാൻ തനിക്ക് ഏറെ താല്പര്യമുണ്ടെന്നും ഒപ്റ്റിമസിനെ താൻ ഏറെ കൗതുകത്തോടെയാണ് വീക്ഷിക്കുന്നതെന്നും അവനോടൊപ്പം റോബോട്ടിക്സിന്റെ ലോകം പര്യവേക്ഷണം ചെയ്യാൻ ആഗ്രഹിക്കുന്നതായും ആര്യ അമേരിക്കൻ മീഡിയ വെബ്സൈറ്റായ CNETയോട് പറഞ്ഞു. മനുഷ്യ വികാരങ്ങൾ മനസ്സിലാക്കാൻ കഴിയുന്ന ഈ AI റോബോട്ട് വിപണിയിലെത്തുന്നു. ഒറ്റപ്പെടൽ അനുഭവിക്കുന്നവർക്ക് കൂട്ടായി ഇടപഴകാൻ കഴിയുന്ന ആര്യ എന്ന റോബോട്ട്, സയൻസ് ഫിക്ഷൻ സിനിമയിലെന്ന പോലെ സമ്മിശ്ര വികാരങ്ങൾ മുഖത്ത് പ്രകടമാക്കുന്നു.