Anant Ambani appointed whole-time director of Reliance Industries

ആനന്ദ് അംബാനി റിലയൻസ് ഇൻഡസ്ട്രീസ് ലിമിറ്റഡിന്റെ മുഴുവൻ സമയ ഡയറക്ടറായി നിയമിതനായി. 2025 മെയ് ഒന്നു മുതൽ അഞ്ച് വർഷത്തേക്കാണ് നിയമനം. നിലവിൽ കമ്പനിയുടെ നോൺ എക്സിക്യുട്ടീവ് ഡയറക്ടറാണ് ആനന്ദ്. റിലയൻസ് ജിയോ ഇൻഫോകോം ചെയർമാനായ ആകാശും റിലയൻസ് റീടെയ്ൽ വെഞ്ച്വേഴ്സിന്റെ എക്സിക്യുട്ടീവ് ഡയറക്ടറായ ഇഷയും ആനന്ദിന്റെ സഹോദരങ്ങളാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

റിലയൻസ് ഇൻഡസ്ട്രീസ് ലിമിറ്റഡിന്റെ ഡയറക്ടർ ബോർഡിൽ ആനന്ദിനെ നിയമിക്കുന്നതിനെ എതിർത്ത് വോട്ട് ചെയ്യാൻ 2023-ൽ ഓഹരി ഉടമകളോട് അന്താരാഷ്ട്ര പ്രോക്സി അഡ്വൈസറി സ്ഥാപനമായ ഇൻസ്റ്റിറ്റ്യൂഷണൽ ഷെയർഹോൾഡർ സർവീസസ് ഇൻകോർപറേറ്റഡ് കമ്പനി നിർദ്ദേശിച്ചിരുന്നു. ജിയോ പ്ലാറ്റ്ഫോംസ്, റിലയൻസ് റീടെയ്ൽ വെഞ്ച്വേഴ്സ്, റിലയൻസ് ന്യൂ എനർജി, റിലയൻസ് ന്യൂ സോളാർ എനർജി കമ്പനികളുടെ ഡയറക്ടർ ബോർഡ് അംഗവുമാണ് ആനന്ദ്. റിലയൻസ് ഫൗണ്ടേഷന്റെ ബോർഡിലും 2022 സെപ്റ്റംബർ മുതൽ അദ്ദേഹം അംഗമാണ്.

ലോകത്തിലെ ഏറ്റവും വലിയ മൃഗസംരക്ഷണ പുനരധിവാസ കേന്ദ്രമെന്ന് വിശേഷിപ്പിക്കപ്പെടുന്ന വന്യതാരയുടെ പിന്നണിക്കാരനുമാണ് ആനന്ദ്. ഇന്നലെ ചേർന്ന ഡയറക്ടർ ബോർഡ് യോഗത്തിലാണ് ആനന്ദിനെ മുഴുവൻ സമയ ഡയറക്ടറായി നിയമിക്കാൻ തീരുമാനമായത്. ആകാശും ഇഷയും നിലവിൽ റിലയൻസ് ഇൻഡസ്ട്രീസിൽ നോൺ എക്സിക്യുട്ടീവ് ഡയറക്ടർമാരാണ്.

ലോകബാങ്ക് വായ്പ വകമാറ്റി സർക്കാർ

Story Highlights: Anant Ambani has been appointed as the whole-time director of Reliance Industries Limited.

റിലയൻസ് ഇൻഡസ്ട്രീസ് ലിമിറ്റഡിന്റെ നാലാം പാദ ലാഭം 19,407 കോടി രൂപ