Allu Arjun Arrested: Pushpa 2 Premiere Tragedy in Hyderabad

ഹൈദരാബാദിൽ പുഷ്പ 2 സിനിമയുടെ പ്രീമിയർ ഷോയിൽ ഉണ്ടായ ദാരുണ സംഭവത്തിൽ നടൻ അല്ലു അർജുൻ അറസ്റ്റിലായി. തിക്കിലും തിരക്കിലും പെട്ട് ഒരു യുവതി മരിച്ച സംഭവത്തിലാണ് ഹൈദരാബാദ് പൊലീസ് അദ്ദേഹത്തെ കസ്റ്റഡിയിലെടുത്തത്. ഹൈദരാബാദിലെ ആർടിസി ക്രോസ് റോഡിലുള്ള സന്ധ്യാ തിയറ്ററിലാണ് ഈ ദുരന്തം അരങ്ങേറിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ദില്സുഖ് നഗര് സ്വദേശിനിയായ രേവതിയാണ് മരണത്തിന് ഇരയായത്. ഭർത്താവ് ഭാസ്കറിനും മക്കളായ തേജിനും സാൻവിക്കും ഒപ്പമാണ് രേവതി പ്രീമിയർ ഷോ കാണാനെത്തിയത്. ദുരന്തത്തിൽ രേവതിയുടെ കുട്ടിക്കും ഗുരുതരമായി പരുക്കേറ്റിട്ടുണ്ട്. രാത്രി 10.30ന് അല്ലു അർജുനും സംവിധായകൻ സുകുമാറും തിയേറ്ററിലെത്തുമെന്ന വാർത്ത പരന്നതോടെയാണ് ആരാധകർ വൻ തോതിൽ തടിച്ചുകൂടിയത്.

ജനക്കൂട്ടത്തെ നിയന്ത്രിക്കാനാകാതെ വന്നതോടെ പൊലീസ് ലാത്തിച്ചാർജ് നടത്തി. തുടർന്നുണ്ടായ സംഘർഷത്തിലാണ് അപകടം സംഭവിച്ചത്. ആരാധകരുടെ തള്ളിക്കയറ്റത്തിൽ തിയേറ്ററിന്റെ പ്രധാന ഗേറ്റ് ഉൾപ്പെടെ തകർന്നു. ഈ സംഭവത്തിൽ നിരവധി പേർക്ക് പരുക്കേറ്റിട്ടുണ്ട്. സിനിമാ റിലീസുമായി ബന്ധപ്പെട്ട് സുരക്ഷാ ക്രമീകരണങ്ങൾ പര്യാപ്തമായിരുന്നില്ലെന്ന ആരോപണത്തെ തുടർന്നാണ് അല്ലു അർജുനെതിരെ നടപടി സ്വീകരിച്ചത്.

മെഡിക്കൽ കോളേജിലെ അനാസ്ഥ: ആൻജിയോഗ്രാം ലിസ്റ്റിൽ നിന്ന് ഒഴിവാക്കിയെന്ന് വേണുവിന്റെ ശബ്ദസന്ദേശം

Story Highlights: Actor Allu Arjun arrested in connection with a woman’s death during Pushpa 2 movie premiere in Hyderabad.

അല്ലു അർജുൻ ചിത്രത്തെക്കുറിച്ച് ആറ്റ്ലി: ‘കാണികൾക്ക് പുതിയ ദൃശ്യാനുഭവമുണ്ടാകും’