Alappuzha Subhadra Murder: New Details Emerge in Gold-Related Case

ആലപ്പുഴ സുഭദ്ര കൊലപാതക കേസിൽ ഞെട്ടിക്കുന്ന പുതിയ വിവരങ്ങൾ പുറത്തുവന്നിരിക്കുകയാണ്. കൊലപാതകത്തിന് മുൻപേ കുഴിയെടുത്തതായി സംശയിക്കപ്പെടുന്നു. മേസ്തിരിയുടെ മൊഴി പ്രകാരം, കുഴിയെടുക്കാൻ വന്നപ്പോൾ കൊല്ലപ്പെട്ട സുഭദ്രയെ കണ്ടിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചപ്പുചവറുകൾ മൂടാനാണ് കുഴിയെടുക്കേണ്ടതെന്ന് മാത്യുസും ശർമ്മളയും ആവശ്യപ്പെട്ടതായും, ആദ്യം വെട്ടിയ കുഴിക്ക് ആഴം പോരെന്ന് പറഞ്ഞ് വീണ്ടും ആഴം കൂട്ടിയതായും മേസ്തിരി പോലീസിന് മൊഴി നൽകി. സുഭദ്രയുടെ കൊലപാതകം സ്വർണത്തിന് വേണ്ടിയാണെന്ന സംശയം ശക്തമാകുന്നു. സ്വർണാഭരണങ്ങൾ പണയം വെച്ചതായി കണ്ടെത്തിയിട്ടുണ്ട്.

ശർമ്മിള ഒറ്റയ്ക്കാണ് പണയം വയ്ക്കാൻ എത്തിയതെന്ന് പോലീസ് പറയുന്നു. സുഭദ്രയും ശർമിളയും തമ്മിൽ സാമ്പത്തിക ഇടപാടുകൾ ഉണ്ടായിരുന്നതായും അന്വേഷണത്തിൽ വ്യക്തമായി. ആലപ്പുഴയിലെ ജ്വല്ലറിക്ക് പുറമേ ഉഡുപ്പിയിലും സുഭദ്രയുടെ സ്വർണം പണയം വെച്ചതായി അന്വേഷണസംഘം കണ്ടെത്തിയിരുന്നു.

പ്രതികളെന്നു സംശയിക്കുന്ന നിതിൻ മാത്യുവും ശർമിളയും അമിത മദ്യപാനികളാണെന്നും, മാത്യു മദ്യപിച്ചാൽ അക്രമാസക്തനാകുന്ന ആളാണെന്നും പോലീസ് വ്യക്തമാക്കി. ഇരുവർക്കുമിടയിൽ സംഘർഷം ഉണ്ടാകുന്നതും പതിവാണ്. നിതിൻ മാത്യുവിനെ വെട്ടിപ്പരിക്കേൽപ്പിച്ചെന്ന പരാതിയിൽ ശർമിളക്കെതിരെ മണ്ണഞ്ചേരി പോലീസിൽ കേസുണ്ട്.

പെരുമ്പാവൂരിൽ ഹെറോയിനുമായി ആസാം സ്വദേശി പിടിയിൽ

ഓഗസ്റ്റ് 10ന് മണ്ണഞ്ചേരി പോലീസ് സ്റ്റേഷനിൽ എത്താൻ ആവശ്യപ്പെട്ടതോടെയാണ് മാത്യുസും ശർമിളയും മുങ്ങിയത്. പ്രതികൾക്കായി അന്വേഷണം തുടരുകയാണ്.

Story Highlights: New details emerge in Alappuzha Subhadra murder case, including suspicions of pre-planned burial and gold-related motives

ആലപ്പുഴയിൽ ലഹരിവേട്ട: നടി ക്രിസ്റ്റീന അറസ്റ്റിൽ; ശ്രീനാഥ് ഭാസിക്കും ഷൈൻ ടോമിനും കഞ്ചാവ് നൽകിയെന്ന് മൊഴി