Rooster Row: Adoor RDO Orders Relocation After Noise Complaint

പത്തനംതിട്ട അടൂരിൽ വയോധികന്റെ പരാതിയിൽ അസാധാരണ നടപടിയുമായി ആർഡിഒ. അയൽവാസിയുടെ കോഴി കൂവുന്ന ശബ്ദം സൈ്വര്യജീവിതത്തിന് ഭംഗം വരുത്തുന്നുവെന്ന പരാതിയിലാണ് നടപടി. പള്ളിക്കൽ സ്വദേശി രാധാകൃഷ്ണൻ എന്നയാളുടെ പരാതിയിൽ കോഴിക്കൂട് മാറ്റണമെന്ന് ആർഡിഒ ഉത്തരവിട്ടു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുലർച്ചെ രണ്ടേമുക്കാലോടെ തുടങ്ങുന്ന കോഴി കൂവലാണ് പ്രശ്നമെന്ന് രാധാകൃഷ്ണൻ പരാതിയിൽ പറയുന്നു. രാധാകൃഷ്ണന്റെ മുറിയോട് ചേർന്നാണ് അയൽവാസിയുടെ കോഴിക്കൂട് സ്ഥിതിചെയ്യുന്നത്. പരാതിയെ തുടർന്ന് സ്ഥലം സന്ദർശിച്ച് പരിശോധന നടത്തിയ ആർഡിഒ, രാധാകൃഷ്ണന്റെ പരാതിയിൽ കഴമ്പുണ്ടെന്ന് കണ്ടെത്തി.

അയൽവാസിയായ അനിൽകുമാറിന് 14 ദിവസത്തിനകം കോഴിക്കൂട് മാറ്റാൻ നോട്ടീസ് നൽകിയിട്ടുണ്ട്. വീട്ടിൽ ഒറ്റയ്ക്ക് താമസിക്കുന്ന രാധാകൃഷ്ണൻ ആദ്യം അയൽവാസിയോട് നേരിട്ട് പരാതി പറഞ്ഞിരുന്നുവെങ്കിലും ഫലമുണ്ടായില്ല. കോഴിക്കൂട് മാറ്റിയില്ലെങ്കിൽ കൂടുൾപ്പെടെ കോഴികളെ കസ്റ്റഡിയിലെടുക്കുമെന്നാണ് ആർഡിഒയുടെ ഉത്തരവ്.

അയൽവാസി കോഴിക്കൂട് മാറ്റാൻ തയ്യാറാകാതിരുന്നതിനെ തുടർന്നാണ് രാധാകൃഷ്ണൻ നിയമനടപടികളിലേക്ക് കടന്നത്. ഉത്തരവ് ലംഘിച്ചാൽ ശക്തമായ നടപടിയുണ്ടാകുമെന്നും അധികൃതർ വ്യക്തമാക്കി. നടപടി ഉണ്ടായില്ലെങ്കിൽ മാധ്യമങ്ങളെ സമീപിക്കുമെന്ന് രാധാകൃഷ്ണൻ പറഞ്ഞു.

മൂവാറ്റുപുഴയിൽ അരമണിക്കൂറിനിടെ മൂന്ന് ബൈക്കുകൾ മോഷണം

Story Highlights: Adoor RDO orders neighbor to relocate rooster after elderly man complains about disrupted sleep.

ലഹരിവിരുദ്ധ ക്യാമ്പയിൻ ശക്തമാക്കാൻ ഇന്ന് സർവകക്ഷിയോഗം