നടി ദിവ്യ ഉണ്ണിയുടെ അച്ഛൻ അന്തരിച്ചു

നടിയും നർത്തകിയുമായ ദിവ്യ ഉണ്ണിയുടെ അച്ഛൻ പൊന്നേത്ത് മഠത്തിൽ ഉണ്ണികൃഷ്ണൻ അന്തരിച്ചു.

ഇന്ന് രാവിലെയായിരുന്നു അന്ത്യം.ഹൃദയാഘാതത്തെ തുടർന്ന് ആശുപത്രിയിൽ എത്തിച്ചെങ്കിലും മരണപ്പെടുകയായിരുന്നു.

പൊന്നേത്ത് അമ്പലം ട്രസ്റ്റ് അംഗമായിരുന്നു ഉണ്ണികൃഷ്ണൻ.ഭാര്യ ഉമാദേവി,മക്കൾ ദിവ്യ ഉണ്ണി, വിദ്യ ഉണ്ണി എന്നിവരാണ്.അരുൺകുമാർ, സഞ്ജയ് എന്നിവരാണ് മരുമക്കൾ.

ബാലതാരമായി വെള്ളിത്തിരയിൽ എത്തിയ ദിവ്യ ഉണ്ണി, ദിലീപ് നായകനായ കല്യാണസൗഗന്ധികത്തിലാണ് നായികയായി അഭിനയിക്കുന്നത്.

മലയാളം, തമിഴ്, തെലുങ്ക് ഭാഷകളിലായി അറുപതിലേറെ സിനിമകളില്‍ ദിവ്യ ഉണ്ണി തന്റെ അഭിനയ മികവ് കാഴ്ചവച്ചിട്ടുണ്ട്.

മുസാഫിര്‍ എന്ന ചിത്രത്തിലാണ് താരം അവസാനമായി അഭിനയിച്ചത്.സോഷ്യല്‍ മീഡിയയിലും നൃത്തലോകത്തും വളരെ സജീവമായ താരമാണ് ദിവ്യ ഉണ്ണി.അനുജത്തി വിദ്യ ഉണ്ണിയും അഭിനേത്രിയാണ്.

Story highlight : Actress Divya Unni’s father passed away