ജോക്കർ വേഷത്തിലെത്തിയ യുവാവ് ട്രെയിനിന് തീ കൊളുത്തി,യാത്രക്കാർക്ക് നേരെ ആക്രമണം.

ജപ്പാന്‍ തലസ്ഥാനമായ ടോക്യോയില്‍ ജോക്കര്‍ വേഷത്തിലെത്തിയ യുവാവ് ട്രെയിനിന് തീവെക്കുകയും യാത്രക്കാരെ ആക്രമിക്കുകയും ചെയ്തു.

ജോക്കര്‍ വേഷത്തിലെത്തിയ അക്രമി യാത്രക്കാരെ കുത്തി പരിക്കേൽപ്പിക്കുകയായിരുന്നു.

ആക്രമണത്തില്‍ പതിനേഴോളം പേര്‍ക്ക് പരിക്കേറ്റിട്ടുണ്ട്.കത്തിക്കുത്തേറ്റ 60 വയസ്സുകാരനായ യാത്രക്കാരന്റെ നില ഗുരുതരമാണ്.

ജോക്കര്‍ വേഷത്തിലെത്തിയ അക്രമി യാത്രക്കാര്‍ക്കുനേരെ കത്തിയാക്രമണം നടത്തിയതായും ട്രെയിനില്‍ എന്തോ ദ്രാവകം ഒഴിക്കുകയും തീ കൊളുത്തുകയും ചെയ്‌തുവെന്ന് ദൃക്‌സാക്ഷികള്‍ പറയുന്നു.

യാത്രക്കാര്‍ പരിഭ്രാന്തരായി ട്രെയിനില്‍ നിന്ന് ഓടുന്നതും ജനല്‍വഴി രക്ഷപ്പെടാന്‍ ശ്രമിക്കുന്നതുമായ ദൃശ്യങ്ങള്‍ ഇപ്പോൾ സോഷ്യൽ മീഡിയയിൽ
വൈറലായിക്കൊണ്ടിരിക്കുകയാണ്.

സംഭവത്തില്‍ ഇരുപത്തിനാലുകാരനെ പൊലീസ് അറസ്റ്റ് ചെയ്തു.ആളുകളെ കൊലപ്പെടുത്തി വധശിക്ഷ ലഭിക്കാന്‍ വേണ്ടിയാണ് ആക്രമണം നടത്തിയതെന്നാണ് ഇയാള്‍ പൊലീസിന് മൊഴിനൽകിയത്.

Story highlight : A 24-year-old man dressed in Joker costume attacked passengers and sets train on fire at Tokyo.